قازاقستاننىڭ وڭتۇستىك كورەياعا مۇناي ەكسپورتى 50 پايىزعا ارتتى

 بۇل تۋرالى وسى ەلدىڭ ساۋدا جانە ينۆەستيتسياعا قولداۋ كورسەتۋ جونىندەگى اگەنتتىگى مالىمدەدى. اتالعان ورگاننىڭ اقپاراتىنا قاراعاندا، سوڭعى 11 ايدا كورەيانىڭ قازاقستانعا ەكسپورتى 700 ميلليون 300 مىڭ دوللاردى قۇراعان. ولار نەگىزىنەن كولىكتەر، قۇرال- سايماندار مەن تەحنيكا.

 ال ءبىزدىڭ ەلدەن وڭتۇستىك كورەياعا 1 ميلليارد 270 ميلليون دوللاردىڭ تاۋارى جەتكىزىلگەن. ولار نەگىزىنەن مۇناي مەن قازبا بايلىقتارى. ءسويتىپ بيىلعى ەكىجاقتى ساۋدا اينالىمى 2 ميلليارد دوللارعا جەتكەن. بۇل ەكى مەملەكەت قاتىناسىنداعى رەكوردتىق كورسەتكىش.

پاك دجي ۆون، ساۋدا جانە ينۆەستيتسياعا قولداۋ كورسەتۋ اگەنتتىگىنىڭ ساراپشىسى:

 - قازاقستان مەن كورەيا اراسىنداعى ساۋدا اينالىمىنىڭ ارتۋى مۇناي قۇنىنىڭ ءوسۋى جانە قاشاعان كەن ورىنىنىڭ ىسكە قوسىلۋىمەن بايلانىستى. قازاقستاننان مۇناي يمپورتى 2017 -جىلمەن سالىستىرعاندا 50 پايىزعا ارتقان. قارا التىندى نەگىزىنەن Esky, Hyundai جانە JS كومپانيالارى ساتىپ الادى. ال بيىلعى جىلدىڭ باستى جوباسى - باكاد قۇرىلىسى. مەنىڭ ويىمشا، ەندى وسىنداي جوباعا تەندەر جاريالاناتىن بولسا كوپتەگەن وڭتۇستىك كورەيالىق كومپانيالار قاتىسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى