اياگوزدىڭ حالقىنا العاشقى كومەك رەتىندە 50 ميلليون تەڭگە بولىنەدى
تاسقىننان قيراعان ۇيلەردى ارالاپ، تۇرعىندارمەن كەزدەسكەن وبلىس اكىمى اۋەلى ەل اراسىندا تاراعان الىپقاشپا اڭگىمەلەرگە قاتىستى تۇسىنىك بەردى. اياگوز قالاسىنا جايىلعان سۋدىڭ سۋ قويماسىنان جەتكەنى تۋرالى اقپاراتتىڭ انىق- قانىعىن ءبىلۋ ءۇشىن ماماندار تىكۇشاقپەن اۋماقتى زەرتتەيتىن بولدى. ونىڭ ناتيجەسى ەرتەڭ كەشكە قاراي بەلگىلى بولۋى ءتيىس.
ال باسپاناسى قيراپ، وتىن- سۋسىز قالعان حالىققا كومەك رەتىندە 50 ميلليون تەڭگە بولىنەتىن بولدى.
اكىمنىڭ ساپارى بارىسىندا قالا بويىنشا 8 ءۇيدىڭ جەرمەن- جەكسەن بولىپ، 10 ءۇيدىڭ اپاتتىق جاعدايعا تۇسكەنى انىقتالدى. 148 ۇيگە سۋ كىرگەن. ءۇيسىز قالعان وتباسىلارعا قالانىڭ باسقا بولىگىندە سالىنىپ جاتقان 60 پاتەرلى ۇيدەن جاڭا باسپانا بەرىلۋى مۇمكىن ەكەنى دە ايتىلدى.
«قازىر بۇل ماسەلەگە بايلانىستى ارنايى كوميسسيا جۇمىس ىستەپ جاتىر. ولار ءوز جۇمىسىن 10-15 كۇننىڭ ىشىندە اياقتايدى. سوندىقتان، تۇرۋعا جارامسىز بولىپ قالعان ۇيلەردىڭ سانى 18-دەن كوپ بولۋى مۇمكىن. قالاي بولعاندا دا، ەشكىم كومەكسىز قالمايدى. بارلىق تۇرعىندارعا ءتيىستى كومەك كورسەتىلەدى. ەشكىم كومەكسىز قالمايدى» - دەدى وبلىس اكىمى.
فوتو اۆتورى: تىلەۋبەك شاياحمەتوۆ
اۆتور: ەسىمجان ناقتىباي
