دارىگەرلەردى تاڭعالدىرعان جايت: الماتىدا 50 دەن اسقان ايەلدەر جاساندى جولمەن ءسابيلى بولىپ جاتىر
سوڭعى ۋاقىتتا بۇنىڭ جاپپاي ۇردىسكە اينالىپ بارا جاتقانى دارىگەرلەردىڭ جاعاسىن ۇستاتىپتى.
بۇل تۋرالى 31 ارنا حابارلايدى.
بۇل 46 جاستاعى ايگۇل ەسىمدى كەلىنشەك. جاقىندا ول ە ك و-نىڭ كومەگىمەن بالا كوتەردى. ەگدە تارتقان جاسىنا قاراماستان جاساندى جولمەن بالالى بولعىسى كەلەدى ەكەن. قۇرساعىنا جاڭادان بىتكەن سابيىنە كوز، ءسوز تيۋىنەن قورقاتىن ايگۇل كامەراعا ءجۇزىن كورسەتۋدەن باس تارتتى. 15 جىل بويى جەتە الماعان قۋانىشىنا ە ك و-نىڭ كومەگىمەن قول جەتكىزەنىنە ءدان ريزا.
«ۇلىم جالعىز قالماسىن دەدىم. ايەل ادامىنىڭ دەنساۋلىعى مىقتى بولسا، جاعدايى جاقسى بولسا ول بالا ءارقاشاندا كەرەك. ول ءبارىنىڭ ارمانى. ەندى امان-ەسەن توعىز اي كوتەرىپ، بالاپانىمدى قولىما السام دەيمىن»، - دەيدى ايگۇل.
ال بۇل كەلىنشەك بولسا وسىدان بىرنەشە جىل بۇرىن ەكى بىردەي بالانى جاساندى جولمەن توعىز اي، توعىز كۇن كوتەرىپ دۇنيەگە اكەلگەن. بۇگىندە ايسۇلۋدىڭ بالالارىنىڭ ءبىرىنىڭ جاسى التىدا، ەكىنشىسىنىڭ جاسى جەتىدە. ايسۇلۋدىڭ ە ك و بالالاردان وزگە ەكى بالاسى بار. ءبىراق، ولار ءوز الدىنا وتباسىن قۇرىپ كەتكەن. 51 جاستاعى ايسۇلۋ ءوزىنىڭ ارەكەتىن قارتايعان شاعىندا جاس ءسابيدىڭ ءيىسىن اڭساعانىمەن تۇسىندىرەدى.
«ءوزىم تۋدىم. دەنساۋلىعىمىز جاقسى بولدى. ءبىراق، بىردەن بولعان جوق. بىرنەشە رەت جاسادىق.3-4 رەت جاساتتىق. ءسويتىپ، وسىنداي ەكى كىشكەنتاي ەكى بالانى تۋدىق»، - دەيدى ايسۇلۋ مولبايەۆا.
دارىگەرلەردىڭ ايتۋىنشا، ە ك و- مەن نارەستە ءسۇيىپ جاتقان زەينەت جاستاعى ايەلدەردىڭ سانى وتكەن جىلمەن سالىستىرعاندا ەكى ەسەگە كوبەيگەن. بۇگىندە جاس ەرەكشەلىككە شەكتەۋ جوق ەكەن. ءتىپتى، جاسىڭىز 57 گە كەلسە دە بالا كوتەرۋىڭىز ابدەن مۇمكىن.
«پاتولوگيالىق اۋرۋلارى بولماسا بولدى. زەينەت جاستاعى ايەلدەردىڭ كوبى ءوز انالىق ۇرىقتارىمەن نارەستەنى دۇنيەگە الىپ كەلمەيدى. ە ك و باعدارلاماسىندا انالىق ۇرىقتار دونورلىق انالىق ۇرىقتاردان جاسالىنادى. جاستاۋ قىز-كەلىنشەكتەردەن مىسالى، كەلىندەرى، سىڭىلىلەرى سولاردان انالىق ۇرىقتى الىپ، جولداسىمەن قوسىپ. جولداسىنان بالا تۋىپ الۋ ارەكەتىن جاسايدى»، - دەيدى رەپرودۋكتولوگ اقەركە سمانوۆا.
دۇنيەجۇزى بويىنشا ە ك و- نىڭ كومەگىمەن 5 ميلليوننان استام ءسابي دۇنيە ەسىگىن اشقان. سونىڭ ىشىندە 10 مىڭى قازاقستاندا تۋعان.
