قىسقى وليمپيادا ويىندارىنا 50 كۇن قالدى

اق وليمپياداعا الەمنىڭ 80 ەلىنەن 5000 نان استام سپورتشىسى مەن رەسمي وكىل قاتىسادى. سپورتتىڭ 15 تۇرىنەن 102 مەدال جيىنتىعى ساراپقا سالىنادى.

قازاقستان سپورتشىلارى كەلەسى جىلدىڭ اقپان ايىنىڭ باسىنا دەيىن وليمپياداعا جولدامالار ساراپقا سالىناتىن دودالاردا باق سىناماق. قازىرگە دەيىن ەل قورجىنىندا 23 وليمپيادالىق ليتسەنزياسى بار. ونىڭ 10 ى بياتلوننان، 10 ى شورت-ترەكتەن، ۇشەۋى مانەرلەپ سىرعاناۋدان.

جالپى قازاقستان سپورتشىلارى قىسقى وليمپيادا ويىندارىندا سپورتتىڭ 9 تۇرىنەن ەل نامىسىن قورعايدى. ولار: بياتلون، مانەرلەپ سىرعاناۋ، تاۋ شاڭعىسى جارىسى، شورت-ترەك، كونكيمەن سىرعاناۋ، شانا سپورتى، شاڭعى تەبۋ، ترامپليننەن شاڭعىمەن سەكىرۋ، فريستايل (اكروباتيكا، موگۋل).

ەستەرىڭىزگە سالا كەتەيىك، قىسقى وليمپيادالاردا قازاقستان ۇلتتىق قۇراما كومانداسى وسىعان دەيىن جالپى 7 مەدال جەڭىپ العان. ولاردىڭ ىشىندە - ءبىر التىن، ءۇش كۇمىس جانە ءۇش قولا مەدال بار.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى