تۇڭعىش «قازاقستان بارىسى» ءوزىن جەڭگەن بالاعا 50 مىڭ تەڭگە بەردى

تۇڭعىش بارىس يەگەرىمەن بەلدەسۋگە كورەرمەندەر اراسىندا ۇمىتكەرلەر كوپ بولدى. ەرەسەكتەردەن ەكى بىردەي ازامات شىعىپ، ۇتىلىپ قالسا، بۇگىن دە 10 جاسار بالا ۇلان اعاسىمەن كۇرەسۋگە بەل بۋىپ، بوز كىلەمگە شىقتى. ءوزىن ەسەت دەپ تانىستىرعان جاس بالا استاناداعى مەكتەپتەردىڭ بىرىندە وقيتىنىن، سونداي- اق، كۇرەستەن كۋرستارعا بارىپ جۇرگەنىن ايتتى. بالانىڭ تالابىن قايتارماعان ۇلان رىسقۇل ەسەت باۋىرىنا كۇرەستىڭ قىر- سىرىن ۇيرەتىپ، جەڭىسىن سىيلاپ، 10 جاسار ەسەتكە 50 مىڭ تەڭگە سىيلىقتى ءوز قولىمەن تاپسىردى. «بولاشاقتا ۇلان اعام سياقتى چەمپيون بولعىم كەلەدى. بۇگىنگى جەڭىسىمدى اتا- اناما سىيلايمىن» ، - دەدى ەسەت.

 ال ۇلان ءوز كەزەگىندە بۇل جاستاردى قازاق كۇرەسىنە تارتۋ، بالالاردى سپورتقا ىنتالاندىرۋ ەكەنىن ايتىپ، ەسەت باۋىرىنا «شىنىقساڭ شىمىر دا، چەمپيون دا بولاسىڭ، تەك وسى ەكپىنىڭنەن تايما»، دەپ اق تىلەگىن ءبىلدىردى. ەستەرىڭىزگە سالا كەتەيىك، كەشە الەم چەمپيوناتىنىڭ ءبىرىنشى كۇنى كورەرمەندەر ءۇش دۇركىن قازاقستان بارىسى اتانعان بەيبىت ىستىبايەۆپەن كۇرەسۋ جارىسىندا تاعى ءبىر 10 جاسار بالا «جەڭىسكە» جەتكەن بولاتىن.

 اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى