ايگىلى «دوسمۇقاسان» توبىنىڭ قۇرىلعانىنا بيىل 50 جىل تولدى
اتى اڭىزعا اينالعان ۆوكالدى- ينسترۋمەنتالدى انسامبل 1967 -جىلدىڭ 1- تامىزىندا قۇرىلعان. بۇل تۋرالى اتالمىش توپ وكىلدەرى وزدەرىنىڭ فەيسبۋك جانە ينستاگرام پاراقشالارىندا جازدى. 1967 -جىلدىڭ 1 -تامىزىندا پاۆلودار وبلىسىنىڭ باياناۋىل اۋىلىندا «دوسمۇقاسان» توبىنىڭ العاشقى كونسەرتى ءوتتى.
«1969 -جىلى «دوسمۇقاسان» قالانىڭ ەرىكتى تۇردە قۇرىلعان جەتەكشى ۇجىمدارىنىڭ تەلەۆيزيالىق بايقاۋىندا ءبىرىنشى ورىندى جەڭىپ الىپ، قالالىق كوميتەتتىڭ سىيلىعىنا يە بولدى. وسى جىلدىڭ جاز ايىندا انسامبل بۋداپەشت راديوسىنىڭ دۋناي جاعالاۋىندا ينتەرناتسيونال جاستار اراسىندا ۇيىمداستىرعان حالىقارالىق دەڭگەيدەگى ءان بايقاۋىندا جەڭىمپاز اتاندى. انسامبل ارتىستەرى اراب، ءۇندىستان، بولگار، چەح، اعىلشىن جانە پولياك ستۋدەنتتەرىمەن بىرگە باق سىناسىپ، ۆەنگريانىڭ «التىن گيتارالار» ەسترادالىق اندەر بايقاۋىندا حالىقارالىق بايقاۋدىڭ لاۋرەاتى اتاعىن جەڭىپ الدى»، - دەپ جازدى تانىمال توپتىڭ انشىلەرى.
ارتىستەردىڭ ايتۋىنشا، بۇل ءانسامبلدىڭ شەتەلدەگى العاشقى گاسترولدەرى بولاتىن. شىنداپ كەلگەندە ۆەنگرياعا ساپاردى تازا مۋزىكالىق باعىتتاعى دەپ ايتۋ قيىن ەدى.
«دوستاس مەملەكەتكە توپ مۇشەلەرى حالىقارالىق قۇرىلىس وتريادتارىنىڭ قاتارىندا اتتانىپ، سونىمەن بىرگە ولار جەرگىلىكتى حالىققا ءوز ونەرلەرىن دە پاش ەتتى»، - دەپ جاستىق شاقتارىن ەسكە الادى ارتىستەر.
وسى وقيعالاردان سوڭ جارتى عاسىر وتكەننەن كەيىن دە انسامبل مۇشەلەرى ونەرسۇيەر قاۋىمدى وزدەرىنىڭ اسەم اندەرىمەن ءتانتى ەتكەن. ولاردىڭ اندەرىن بۇگىندە ەرەسەكتەر دە جاستار دا اسقان سۇيىسپەنشىلىكپەن تىڭدايدى.
اۋدارما: ايدار وسپاناليەۆ
Осыдан 50 жыл бұрын, 1967 жылдың 1 тамызында Баянауылда «Дос-Мұқасан» ансамблінің музыканттары өздерінің алғашқы концертін қойды. @ztb_kz
