تۇركيادا داۋىس بەرگەندەردىڭ 50 پايىزدان استامى زاڭعا تۇزەتۋ ەنگىزۋدى قولدادى
بۇل مالىمەتتەردى ورتالىق سايلاۋ كوميسسياسى جانىندا ورنالاسقان جانە داۋىس بەرۋ قورىتىندىلارىن جاريا ەتۋگە قۇقىلى اناتولي اگەنتتىگى تاراتتى، دەپ حابارلايدى ت ا س س. بارلىعى راستالعان 37 ميلليون داۋىس سانالدى. داۋىس بەرۋگە كەلۋشىلەر سانى تۇركيا بويىنشا ورتاشا العاندا 85-86 پروتسەنت كولەمىندە. انكارا مەن ستامبۋلدا كونستيتۋتسيالىق رەفورمالاردى قولداۋشىلار سانى 52 جانە 50 پروتسەنتكە دەيىن قۇلادى. 2007 -جىلى وتكەن رەفەرەندۋمدا دا تىكەلەي پرەزيدەنت سايلاۋىنا بايلانىستى سالماقتى تۇزەتۋلەر ەنگىزىلگەن بولاتىن. وندا تۇزەتۋدى قولداۋشىلار سانى 68,95 پايىزدى قۇرادى.
