ارميا سپورتشىسى قازاقستاننىڭ 50 دۇركىن چەمپيونى اتاندى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى. جوعارى اتاققا اسكەري قىزمەتشى جاقىندا عانا كوكشەتاۋدا ءوز مارەسىنە جەتكەن گىر ەكى سايىسىنان قازاقستاننىڭ كۋبوگىندا جەڭىسكە جەتۋىنىڭ ارقاسىندا قول جەتكىزدى.
90 كەلىدەن جوعارى سالماقتا ۆيتالي ديدەنكو گىر تاسىن 119 رەت سەرپە، 164 مارتە جۇلقي كوتەرىپ، التىن مەدالدى ەنشىلەدى. «ءار ءتۇرلى دەڭگەيدەگى سايىستاردا قارۋلى كۇشتەردىڭ نامىسىن قورعاپ جۇرگەنىمدى ماقتان تۇتامىن. بۇگىنگى تاڭدا گىر سپورتى قارۋلى كۇشتەردە قارقىندى دامىپ كەلەدى. بىزدە سپورتپەن شۇعىلدانۋ ءۇشىن بارلىق جاعداي جاسالعان جانە اسكەري قىزمەتشىلەر دەنە دايارلىعى تۇرعىسىندا جەتكىلىكتى دەڭگەيدە دايىندالعان»، - دەپ ۆيتالي اتاپ ءوتتى.
سپورتشى الەمنىڭ 8 دۇركىن چەمپيونى بولىپ تابىلاتىنىن ايتا كەتكەن ءجون. قازاقستاننىڭ قارۋلى كۇشتەرىندە گىر سپورتى 2000-جىلدان باستاپ دامىپ كەلەدى. جىل سايىن ق ر ق ك- ءنىڭ چەمپيوناتتارىندا اسكەري قىزمەتشىلەر نورماتيۆتەر ورىندايدى. ونىڭ ناتيجەلەرى بويىنشا ولارعا «قازاقستان رەسپۋبليكاسىنىڭ سپورت شەبەرى» اتاعى بەرىلەدى. بۇگىنگى كۇنى بۇل اتاقتى 30 اسكەري قىزمەتشى يەمدەنىپ ۇلگەرگەن.
