قازاقستان جولدارىنداعى جىلدامدىق ساعاتىنا 50 شاقىرىمعا دەيىن ازايتىلۋى مۇمكىن
مۇنداي شەكتەۋلەردى قالالاردا جانە اۋىلداردا قولدانۋ جوسپارلانىپ وتىر.
ق ر باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ عىلىمي- ادىستەمەلىك ينستيۋتىنىڭ ديرەكتورى ايدار ساسەنوۆتىڭ ايتۋىنشا، ساراپشىلار كولىك جۇرگىزۋشىلەرىنىڭ جىلدامدىعىن ساعاتىنا 30 شاقىرىمعا دەيىن قىسقارتپاقشى. ال اۆتوبۋس جۇرگىزۋشىلەرى مەن جۇك كولىگىنىڭ جۇرگىزۋشىلەرىنە جىلدامدىقتى ساعاتىنا 40 شاقىرىمعا دەيىن قىسقارتۋ جوسپارلانىپ وتىر.
سونداي-اق، ماجىلىستەگى جۇمىس توبىنىڭ اكىمشىلىك كودەكسكە ءبىرقاتار وزگەرتۋلەر ەنگىزەتىنى ايتىلدى. وقۋ كەزىندە قويىلاتىن تالاپتاردى بۇزعان جاعدايدا نەمەسە جارىق قۇرالدارى مەن اپاتتى دابىل بەرۋ جۇيەسىن قولدانىپ، جول ەرەجەسىن بۇزعاندارعا قاتىستى ايىپپۇل سالۋ ۇسىنىلدى. قازىرگى ۋاقىتتا 10 ايلىق ەسەپتىك كورسەتكىش كولەمىندە سالىناتىن ايىپپۇلدى ەسكەرتۋگە الماستىرىپ، ال قيىلىستاردا جول ەرەجەسىن بۇزعاندارعا 5 ايلىق ەسەپتىك كورسەتكىش كولەمىندەگى ايىپپۇلدىن ورنىنا 3 ايلىق ەسەپتىك كورسەتكىشتى قۇرايتىن ايىپپۇل سالۋ ۇسىنىلدى. سونىمەن قاتار، جول ەرەجەسىن بۇزىپ، جاياۋ جۇرگىنشىلەردى قاعىپ وتكەندەردىڭ جازاسىن 30-50 پايىزعا قىسقارتۋ ۇسىنىلدى.
ايدار ساسەنوۆتىڭ ايتۋىنشا، مۇنىمەن قاتار مەملەكەتتىك قىزمەتكەرلەردى جۇمىسقا دەيىن جەكە كولىكپەن ەمەس، قوعامدىق كولىكپەن بارۋعا مىندەتتەۋ تۋرالى ۇسىنىس ايتىلدى. بۇل جۇيەنى باستاپقىدا استانادا نەمەسە الماتىدا ىسكە اسىرىپ كورمەكشى ەكەن. ءبىراق زاڭگەر بۇل نورمانىڭ مينيسترلەرگە، اكىمدەرگە، دەپۋتاتتارعا جانە باسقا دا مەملەكەتتىك قىزمەتكەرلەرگە قاتىستى قولدانىلا ما، جوق پا ناقتىلامادى.
