ەلباسى قازاقستان ءۇشىن مۇنايدىڭ باررەلىنە 50 دوللار ءتاۋىر باعا ەكەنىن ايتتى

 بۇل تۋرالى مەملەكەت باسشىسى نۇرسۇلتان نازاربايەۆ كورەيا رەسپۋبليكاسىنا مەملەكەتتىك ساپارىنىڭ قورىتىندىسى بويىنشا وتاندىق ب ا ق وكىلدەرى ءۇشىن وتكىزىلگەن باسپا ءسوز بريفينگىندە ءمالىم ەتتى.

 «بارشا الەمدە تاۋار اينالىمى تومەندەدى، مىسالى، مۇنايدىڭ ءبىر باررەلىنە قۇنى شامامەن 100 دەن جوعارى، ياعني 120 دوللاردى قۇرادى. بۇدان سوڭ ونىڭ باعاسى 30 دوللار بولدى، كەيىننەن 45-كە جانە 50 دوللارعا دەيىن كوتەرىلدى. بۇل رەتتە قازاقستان بيۋدجەتىنە 40 پايىزعا جۋىق تۇسىمدەردى قامتىدى، دەگەنمەن دە وسىعان قاراماستان ەكونوميكا وڭ كورسەتكىشتەردى ۇستاپ تۇر. اتاپ ايتقاندا، بۇل وڭتايلى جاعداي 6 جىل بۇرىن يندۋستريالاندىرۋدى باستاعانىمىزدىڭ ارقاسىندا ورىن الدى، سونداي- اق ءوندىرۋشى ونەركاسىپ بىرتىندەپ قارقىن الىپ كەلە جاتىر»، - دەدى ەلباسى.

پرەزيدەنت جىل سوڭىنا دەيىن يندۋستريالاندىرۋ اياسىندا تاعى 100 كاسىپورىندى ىسكە قوسۋ جوسپارلانىپ وتىرعاندىعىن، بۇل ءوز كەزەگىندە قازاقستاندىقتار ءۇشىن قوسىمشا جۇمىس ورىندارىن قۇرۋعا مۇمكىندىك بەرەتىنىن اتاپ ءوتتى.

«وسى كاسىپورىندار ادامداردى جۇمىسپەن قامتىپ، ءونىم شىعارادى، سونداي- اق بۇنىڭ ەسەبىنەن ەكونوميكانى كوتەرۋدەمىز. مۇناي باررەلىنىڭ 45-50 دوللار قۇنىنا ءبىز بەيىمدەلۋدەمىز جانە بولاشاقتا ءتاۋىر ءومىر سۇرۋگە بولادى»، - دەدى ن. نازاربايەۆ.

وسى ورايدا مەملەكەت باسشىسى حيميا، اۋىل شارۋاشىلىعى ونىمدەرىن شىعارۋعا ەرەكشە ءمان بەرۋ كەرەكتىگىن، سونىمەن قاتار باسقا دا سالالاردان تابىس كوزىن ىزدەستىرۋ قاجەتتىگىن اتاپ ءوتتى.

 اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى