الماتى وبلىسىندا 50 جەتكىنشەك اسكەري ومىرمەن تانىستى
كەربۇلاق اۋدانىندا ەكى كۇنگە جالعاسقان شارا بارىسىندا ولار اسكەردەگى ءومىردى كورىپ، قارۋ- جاراقتاردى مەڭگەرىپ، ءتۇرلى جارىستارعا قاتىستى، دەپ حابارلايدى قازاقپارات ءتىلشىسى. سونداي-اق ساپتا ءجۇرۋدى ۇيرەنگەن جاستار، اسكەري بورىشىن وتەپ جۇرگەن ساربازدارمەن ەتەنە جاقىن اڭگىمەلەسىپ، جاۋىنگەرلىك استان دا ءدام تاتتى. مۇنداعى باستى ماقسات جاس ورەندەر بويىندا پاتريوتيزمدى قالىپتاستىرۋ. وتان قورعاۋعا دەگەن قۇلشىنىسىن ارتتىرىپ، اسكەري ادامنىڭ وڭ يميدجىن قالىپتاستىرۋ، دەيدى ۇيىمداستىرۋشىلار.
ال «ورلەۋ» اسكەري-پاتريوتتىق لاگەرىنە الماتى وبلىستىق جاستار ساياساتى ماسەلەلەرى باسقارماسى مەن جەتىسۋ جاستارى ۇيىمىنىڭ كونگرەسى ۇيىتقى بولدى. اتالعان شارانى ءداستۇرلى تۇردە وتكىزۋ جوسپارلانۋدا.
