ۇشاقتا ەكى ادامعا ارنالعان ورىندا وتىرۋعا ءماجبۇر بولعان ايەل ۇيالعاننان 50 كەلىگە ارىقتاعان
روزي مەركاد ەسىمدى ايەل جۇمىس بابىمەن ۇشاققا ءجيى وتىرۋعا ءماجبۇر. اۋەجاي قىزمەتكەرلەرى ونىڭ سەمىزدىگى مەن ەكى ادامنىڭ ورنىن ءبىر- اق الىپ وتىراتىن كولەمى ءۇشىن جول اقىسىن ەكى ەسە الىپ كەلگەن.
«باسىندا مەن بۇنداي قارىم- قاتىناسقا اشۋلاناتىنمىن. كەيىننەن ۇيرەنىپ، قاراپايىم دۇنيە سياقتى قارايتىن بولدىم. بىردە ماعان «قاتار تۇرعان ەكى بوس ورىن جوق» دەدى. ونى كەزەكتە تۇرعانداردىڭ بارلىعى ەستىدى. ۇيالعاننان نە ىستەرىمدى بىلمەي كاسسادان ەرتەرەك كەتۋگە تىرىستىم. سول كۇننەن باستاپ ءوزىمدى وزگەرتۋگە بەت بۇردىم. ارينە بارلىعىن ارىقتاۋدان باستادىم»، - دەيدى 36 جاستاعى روزي.
راسىمەن دە 3 بالانىڭ اناسى از ۋاقىتتىڭ ىشىندە ادام تانىماستاي وزگەرىپ شىعا كەلدى. ول شەشىم قابىلداعان كۇننىڭ ەرتەسىندە ديەتولوگقا جازىلدى. ديەتولوگ وعان قاتاڭ ءارى ناتيجە بولارلىق ديەتا جازىپ بەردى. روزي اپتاسىنا ءۇش كۇن جەكە باپكەرمەن دايىندالاتىن جاتتىعۋ زالىنا دا جازىلدى.
روزيعا ديەتا مەن جاتتىعۋ زالى عانا كومەكتەسكەن جوق. ول قارنى مەن سانىنداعى ارتىق مايلاردى وتا ارقىلى الدىردى.
وسىنىڭ ارقاسىندا 50 كەلى سالماقتان ارىلعان ايەل ەندى مودەل بولىپ جۇمىس ىستەپ ءجۇر.
قازىر ونىڭ ينستاگرام پاراقشاسىنا 78 مىڭعا جۋىق ادام جازىلعان. سەمىزدىكپەن كۇرەسىپ جۇرگەن قىزدارعا روزي ءوز تاجىريبەسىنەن كەڭەس بەرىپ وتىرادى ەكەن.
Stan.kz
