قازاقستان ءۇش جىلدا ازەربايجانعا 50 ەلەكتروۆوز جەتكىزەدى - فوتو
«العاشقى جەتىستىك - ازىربايجانمەن كەلىسىلگەن جوبا، سونىمەن قاتار ءبىز جاقىن ورنالاسقان يران سياقتى مەملەكەتتەردى كوزدەپ وتىرمىز، ول ۇلكەن الەۋەتتى نارىققا يە. جاسالعان كەلىسىمگە سايكەس 2018-جىلدىڭ سوڭىنا دەيىن ازەربايجانعا 50 ەلەكتروۆوز جەتكىزىلەتىن بولادى»، - دەدى انري پۋپار-لافارش ەلورداداعى 1№ يندۋستريالىق پارك اۋماعىندا ورنالاسقان كاسىپورىنداعى باسپا ءسوز تۋرى بارىسىندا.
ونىڭ ايتۋىنشا قازاقستاندىق ەلەكتروۆوز قۇراستىرۋ زاۋىتى «رەكوردتىق مەرزىمدە ءوستى، كورسەتكىشتەر دە وتە جاقسى».
«مۇندا قازاقستانعا جانە ەكسپورتتىق نارىقتارعا ءونىم شىعاراتىن 400 جۇمىسكەر جۇمىس جاسايدى. ق ت ج قولداۋىمەن بۇل جەرگىلىكتى كاسىپورىندا تەحنولوگيالار مەن ونەركاسىپتى دامىتۋ ورتالىعىنا اينالدىرۋعا نيەتتىمىز. قازىرگى تاڭدا ءوندىرىس وقشاۋلىعىن %70 عا جەتكىزىپ، زاۋىتتى Alstom كاسىپورىندار جالپى جاھاندىق جەلىسىنە ەنگىزبەكشىمىز»، - دەدى انري پۋپار-لافارش.
باسقارۋشى ديرەكتور بەرناردا پەللدىڭ ايتۋىنشا، «Alstom Kazakhstan» ج ش س بيىل ە ك ز قۇراستىرۋ جەلىسى بويىنشا 19 جۇك ەلەكتروۆوزىن جانە 2 جولاۋشى ەلەكتروۆوزىن شىعارۋدى جوسپارلاپ وتىر، كەلەسى جىلدان باستاپ ازەربايجانعا ارنالعان ماشينالار ءوندىرىسى باستالادى.
بۇدان وزگە، زاۋىت 2020-جىلعا دەيىن «قازاقستان تەمىر جولى» ۇ ك ا ق ءۇشىن شامامەن 200 جۇك جانە 95 جولاۋشى ەلەكتروۆوزىن شىعارۋدى جوسپارلاپ وتىر.
