يران بىردەن 50 ميلليارد دوللارعا بايۋى مۇمكىن

 اتالعان اگەنتىك دەرەگىنشە، قازىر يراننىڭ مۇنايدى ساتۋدان تاپقان اقشاسىنىڭ ءبىراز بولىگى باتىس ەلدەرىنىڭ بانكتەرىندە ساقتاۋلى تۇر. ءبىراق اتوم ماسەلەسىنە بايلانىستى ونى الۋعا تىيىم سالىنعان.

 ەگەر دە يران حالىقارالىق «التىلىقپەن» اتوم پروبلەماسىنا بايلانىستى ءبىر ىمىراعا كەلسە، وندا شەتەلدەگى بانك- شوتتارىندا جاتقان قاراجاتتىڭ ءبىر بولىگىن، قايتارىپ الۋى مۇمكىن.    ال «The Wall Street Journal»  باسىلىمى، ماڭىزدى كەلىسىم- شارتقا قول قويىلسا، يران بۇكىل قاراجاتىنا قول جەتكىزۋى ىقتيمال دەپ جازىپتى. ايتا كەتۋ كەرەك، ولار بۇل مالىمدەمەنى تاراتقان دەرەكشى اق ءۇيدىڭ بەلگىلى تۇلعالارى ەكەنىن كورسەتكەن. اقپاراتتى ا ق ش پرەزيدەنتى اكىمشىلىگىنىڭ وكىلدەرى دە جوققا شىعارمايدى.

وسىعان دەيىن تەگەران، شەتەلدىك بانكتەردەگى وففشورلىق شوتتاردا 100-140 ميلليارد دوللاردىڭ حالىقارالىق سانكسيالار كەسىرىنەن وقشاۋلاندىرىلعانىن حابارلاعان بولاتىن. بۇگىندە كەلىسسوزدەردىڭ ارقاسىندا يران 12 ميلليارد دوللارىن قايتارىپ الدى. سوڭعى ترانش، ياعني 490 ميلليون دوللار، 31 - ناۋرىزدا جاپونيا بانكىنەن، يراننىڭ ومانداعى جەكە شوتىنا اۋدارىلعان.
   
 ەسكە سالايىق، ۇستىمىزدەگى جىلدىڭ ەكىنشى ساۋىرىندە يران مەن «التىلىق» ەلدەرى ءبىر مامىلەگە كەلگەن ەدى. يران ءوزىنىڭ اتوم جۇيەسىنىڭ كەي تۇستارىن وزگەرتۋگە، ال ەۋروپالىق وداق ءبىرقاتار سانكسيالاردى شەشۋگە ۋادە بەردى. كەلىسىم- شارتتىڭ قورىتىندىسى ماۋسىمنىڭ وتىزىنا دەيىن جاريا بولۋى ءتيىس.

«استانا» ارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى