ەگەر مۇناي باعاسى 50 دوللاردان ءتۇسىپ كەتسە، تەڭگە باعامى بىرتىندەپ تۇزەتىلۋى مۇمكىن - ۇلتتىق بانك
ونىڭ ايتۋىنشا، ەگەر مۇناي باعاسى 50-60 دوللار ارالىعىندا بولسا، وندا ۇلتتىق قورعا تۇسەتىن تۇسىمدەر شىعىنداردان كوبىرەك بولادى. ۇلتتىق بانك الداعى ءۇش جىلدا ۇلتتىق قوردىڭ اجەپتاۋىر ءوسىمىن دە كۇتىپ وتىر.
«ەگەر مۇناي باعاسى 50 دوللاردان تومەن ءتۇسىپ كەتسە جانە ءتيىمسىز سسەناريلەر ورىن الىپ جاتسا، وندا ايىرباس كۋرسىنىڭ بىرتىندەپ وزگەرتىلۋى، سونىمەن قاتار، ايىرباس كۋرسى ءدالىزىنىڭ كەڭەيتىلۋى دە مۇمكىن»، - دەپ ءتۇسىندىردى ۇ ب ءتوراعاسى.
ونىڭ ايتۋىنشا، قازىرگى كەزدەگى ۆاليۋتالىق ءدالىز بىزگە تەڭگە باعامىن 1 دوللارعا شاققاندا 185 تەڭگە شاماسىندا ۇستاپ تۇرۋعا مۇمكىندىك بەرەدى.
اۆتور: ءابۋ- اسقار مەكەش ۇلى
