حالىق سانى 50 مىڭ ادامنان اساتىن ءىرى قالالاردا ءتورتىنشى ۇرپاق بايلانىس جەلىسىن ورناتۋدى مەرزىمنەن بۇرىن اياقتادى
بۇل تۋرالى «نۇر وتان» فراكتسياسىنىڭ جانىنداعى ەكونوميكالىق ساياسات بويىنشا كەڭەستىڭ بىرلەسكەن وتىرىسىندا قاتىسۋشىلارعا كومپانيا باسقارماسىنىڭ ءتوراعاسى قۋانىشبەك ەسەكەيەۆ حابارلادى.
2012-2013 - جىلدارى «قازاقتەلەكوم» ا ق جەلىنى رەسپۋبليكانىڭ التى وبلىس ورتالىعىندا: قاراعاندى، شىمكەنت، وسكەمەن، اقتاۋ، اقتوبە، اتىراۋ، سونداي- اق استانا، الماتى قالالارى مەن ولاردىڭ ماڭىنداعى ەلدى مەكەندەردە ورناتتى. قالعان سەگىز اكىمشىلىك ورتالىقتا ىلكى كوممەرتسيالىق ايماقتار ىسكە قوسىلدى. 2014 -جىلى تۇركىستان جانە كەنتاۋ قالالارىندا 4G جەلىسىن ىسكە قوسۋدان كەيىن كومپانيا 50 مىڭنان استام تۇرعىنى بار قالالاردا جەلىنى ورناتۋ بويىنشا جوسپارىن مەرزىمگە دەيىن اياقتادى. 2018 - جىلدىڭ 1 - قاڭتارىنا دەيىن 4G جەلىسىنىڭ قىزمەتى قازاقستاننىڭ بارلىق اۋدان ورتالىقتارىندا پايدا بولۋى ءتيىس.
ءتورتىنشى ۇرپاق جەلىسىن ەنگىزۋمەن «التەل» ەنشىلەس كومپانياسىندا «قازاقتەلەكوم» ا ق جۇرگىزۋدە.
بۇگىندە 4G قىزمەتىمەن قازاقستاننىڭ 200 ەلدى مەكەنى قامتاماسىز ەتىلگەن، مۇنداعى تۇرعىنداردىڭ جالپى سانى شامامەن 10,6 ميلليون ادامدى قۇرايدى، بۇل ەلدەگى حالىق سانىنىڭ 62 پايىزىن قۇرايدى.
«اعىمداعى جىلدىڭ سوڭىنا دەيىن 2,5 مىڭنان استام بازالىق ستانسانى پايدالانۋعا بەرۋ جوسپارلانىپ وتىر. 2017 - جىلعا دەيىن ءبىز تاعى 142 اۋدان ورتالىعىن بۇل قىزمەت تۇرىمەن قامتاماسىز ەتۋدى جوسپارلاۋدامىز» ، - دەپ حابارلادى قۋانىشبەك ەسەكەيەۆ.
«قازاقتەلەكوم» ا ق تەحنولوگيالىق دامىتۋدىڭ كەلەسى قادامدارى رەتىندە داۋىستى 4G LTE جەلىسى ارقىلى جىبەرە الاتىن VoLTE تەحنولوگياسىن ەنگىزۋ مۇمكىندىگىن قاراستىرىپ، سونداي- اق LTE- Advanced تەحنولوگياسىن ەنگىزۋگە دايىندالۋ ۇستىندە.
