وڭتۇستىك كورەيالىق سەريالدار 50 شەنەۋنىكتىڭ ءولىم جازاسىنا سەبەپ بولدى
ال باتىس اقپارات قۇرالدارىنىڭ حابارلاۋىنشا، بۇل ءولىم جازاسى سولتۇستىك كورەيا باسشىسىنىڭ اپپاراتتى 2013-جىلى ولتىرىلگەن چان سون تحەكتىڭ جاقتاستارىنان تازارتۋ ساياساتىمەن بايلانىستى. تحەك -ك ح د ر باسشىسىنىڭ اعايىنى. 67 جاستاعى شەنەۋنىك كيم چەن ىننىڭ جاستاۋ كەزىندە مەملەكەت باسشىسىنىڭ وكىلەتتىگىن ۋاقىتشا اتقاراتىن رەگەنتتىك كەڭەستى باسقاردى. ول ەلدەگى «ەكىنشى ادام» سانالدى. تحەك بيلىكتى توڭكەرۋگە ارەكەتتەنگەنى ءۇشىن سوتتالىپ، ءولىم جازاسىنا كەسىلدى.
جاپونيانىڭ «سانكەي» گازەتى 2014-جىلدىڭ ورتاسىندا چان سون تحەكتىڭ ءولىم جازاسىنان كەيىن بيلىكتەگى 200 گە جۋىق شەنەۋنىك پەن تحەكتىڭ مىڭداعان تۋىسىنىڭ تۇتقىندالعانىن جازدى. باسىلىمنىڭ مالىمەتىنشە، ولاردىڭ تەڭ جارتىسى ءولىم جازاسىنا كەسىلۋى ءتيىس بولدى. قالعانى كونتسلاگەرلەرگە جونەلتىلگەن. سولتۇستىك كورەيادا ساياسي تۇتقىنداردىڭ قاتارى 80-120 مىڭ ادامعا دەيىن جەتەدى.
ايتا كەتەيىك، قازاقستاندا ب ا ق قايراتكەرلەرى وڭتۇستىك كورەيالىق سەريالدارداعى وزبىرلىققا قاتىستى بىرنەشە مارتە شاعىم ايتقان بولاتىن. مۇنداي ونىمدەرگە بالاما كونتەنت جاساۋ ءۇشىن ك ت ك ارناسىنىڭ باس ديرەكتورى ارمان شورايەۆ 2013-جىلى وتاندىق اۆتورلاردى سۋبسيديالاۋدى ۇسىندى. ونىڭ الدىندا سول كەزدەگى مادەنيەت جانە اقپارات ءمينيسترى مۇحتار قۇل-مۇحاممەد وڭتۇستىك كورەيالىق جانە تۇركيالىق تەلەسەريالداردىڭ قازاقستاندىق ارنالار ەفيرىنەن الىپ تاستالاتىنىن ايتتى. مينيستر بۇل سەريالداردان ۇنەمدەلگەن قارجىنىڭ وتاندىق ءونىمدى دامىتۋعا باعىتتالاتىنىن ايتقان ەدى.
tengrinews.kz
