وزگە ەلدەردىڭ ەڭ بەلدى 50 پروفەسسورى نازاربايەۆ ۋنيۆەرسيتەتىنىڭ سىناعىن تاپسىردى
وقۋ ورنى ۇستازدىق پەن باسشىلىق قىزمەتتەرگە قاجەت مامانداردى جىلىنا ەكى رەت ا ق ش - قا جيناپ، ىشىنەن بىلىمىنە بىلىگى ساي ناعىز مىقتىلارىن تاڭداپ الادى.
ۆاشينگتونداعى قازاقستان ەلشىلىگىندە بۇل كۇندەرى ەرەكشە ەمتيحان ءوتىپ جاتىر . ەلىمىزدىڭ نازاربايەۆ ۋنيۆەرسيتەتى كەزەكتى رەت ءوزىنىڭ وقىتۋشىلىق قۇرامىنا ىرىكتەۋ جۇرگىزۋدە . ا ق ش استاناسىنا الەمنىڭ 15 ەلىنەن ارنايى كەلگەن 50 پروفەسسور باقتارىن سىناۋعا مۇمكىندىك الدى.
مىڭنان مىقتىلار عانا ىرىكتەلەتىن « اقىلدى باستاردىڭ » قازاق ەلىن تاڭداۋى دا تەگىن ەمەس. گۋمانيتارلىق جانە تەحنيكالىق باعىت بويىنشا سارالانعان ۋنيۆەرسيتەت ماماندارى ۇمىتكەرلەردى جەكە - جەكە قابىلداپ، اڭگىمە وتكىزەدى. ءار ادامنىڭ بەلگىلەنگەن ءوز ۋاقىتى بار. سوندىقتان سىناق تاپسىرۋشىلار ءبىر - ءبىرىن دە كورمەيدى. ءتىپتى ولاردىڭ جانىنا جاقىنداپ ، ءجون سۇراسۋعا نەمەسە سۇحبات الۋعا دا رۇقسات جوق. جەكە باس مالىمەتتەرى قۇپيا ساقتالۋى كەرەك. ال قازاقستاندا ۇستازدىق ەتكىسى كەلەتىن شەتەلدىكتەردىڭ قاتارى جىل ساناپ ۇلعايىپ كەلە جاتقاندىعىن ايتادى نازاربايەۆ ۋنيۆەرسيتەتىندەگىلەر .
قاديشا دايروۆا ، نازاربايەۆ ۋنيۆەرسيتەتىنىڭ ۆيتسە - پرەزيدەنتى:
- جۇمىسقا قابىلداناتىن وقىتۋشىلاردىڭ پروفەسسيونالدىق تاربيەسى وتە جوعارى بولۋى كەرەك. تۇيىندەمەلەرىن قارايمىز. عىلىمي دارەجەسىن قاي ۋنيۆەرسيتەتتە العاندىعىنا ەرەكشە نازار اۋدارامىز . ول - وتە ماڭىزدى . ءتورت مىڭ تالاپكەردەن ەڭ ۇزدىك 500 ءى عانا تاڭداپ الىناتىن ءبىلىم وشاعىندا ۇستاز قاۋىمىنا ارتىلار جۇكتىڭ قانداي ەكەنى وزدىگىنەن تۇسىنىكتى. تاڭداۋ بارىسىندا كەرەك دەسەڭىز وقىتۋشىنىڭ بەت الپەتى مەن سويلەۋ مانەرىنە دەيىن باسا ءمان بەرىلەدى. ءدال قازىر ۋنيۆەرسيتەتكە باسقارۋشىلىق ءھام وقىتۋشىلىق قىزمەتتەرگە ءتان ماماندار قاجەت. ماتەماتيكا ، فيزيكا ، حيميا ، ينفورماتيكا سالاسىنىڭ مۇعالىمدەرىنەن باستاپ ، اكادەميالىق ماسەلەلەرگە جاۋاپتى دەكاندارعا دەيىن بوس ورىندار بار.
ستيۆەن روپەر ، نازاربايەۆ ۋنيۆەرسيتەتىنىڭ دەكانى:
- نازاربايەۆ ۋنيۆەرسيتەتىندە ۇستازدىق ەتەتىن مامان مىقتىنىڭ مىقتىسى بولۋى كەرەك. سەبەبى ءبىز ءۇشىن ءبىلىم وشاعىنداعى ءاربىر ستۋدەنتتىڭ ورنى قىمبات . وقىتۋشى تاڭداۋعا قويىلاتىن تالاپتىڭ تىم قاتال كەلەتىنى سوندىقتان.
سكوتت ليەۆاي ، نازاربايەۆ ۋنيۆەرسيتەتىنىڭ پروفەسسورى:
- ءبىز قازاقستان ەلشىلىگىنە كەلىپ وتىرمىز . مۇندا كوپتەگەن پروفەسسورلار كەلدى. ساپالى ، ەڭ جاقسى پروفەسسورلاردى تاڭدايتىن بولامىز. ءبىر قولدىڭ ساۋساعىنا دا جەتپەيتىن از عانا جىلدىڭ ىشىندە نازاربايەۆ ۋنيۆەرسيتەتى الەمدىك جۇزدىكتىڭ قاتارىنان ويىپ ورىن تاپتى. مۇنىڭ ءوزى تورتكۇل دۇنيەدەن كادر تارتۋعا تاماشا مۇمكىندىك. قازىر وقۋ ورنىندا 31 ەلدەن 300 دەن استام پروفەسسور قىزمەت جاسايدى. ەندى ونىڭ قاتارى تاعى جاڭارا تۇسەدى دەگەن ءسوز. ىرىكتەۋگە ىلىنگەن 50 ادامنىڭ ازىرگە تەڭ جارىمى سىناق تاپسىرىپ ۇلگەردى. الدا تاعى ءبىر كۇن بار. ال كىم مىقتىنىڭ ەسىمدەرى قازاقستاندا انىقتالاتىن بولادى.
www.24.kz
