ءال- فارابي اتىنداعى قازۇۋ الەمنىڭ ۇزدىك 50 تەحنولوگيالىق تۇرعىدا دامىعان ۋنيۆەرسيتەتى قاتارىنا كىردى
رەيتينگتە قازاقستاندىق جوعارى وقۋ ورنى ت م د عانا ەمەس، شىعىس جانە ورتالىق ەۋروپا قاتىسۋشى ەلدەرىنىڭ جالعىز وكىلى بولعانىن، سونداي- اق سينگاپۋر جانە جاپونيامەن قاتار بارلىق ازيا كونتينەنتىن تانىستىرعانىن اتاپ ءوتۋ كەرەك.
«Great Value Colleges» الەم ۋنيۆەرسيتەتتەرىنىڭ رەيتينگىن جاساۋدا وقۋ جانە عىلىمي- زەرتتەۋ قىزمەتىنىڭ ءتۇرلى باعىتتارى بويىنشا كوپ قىرلى تاسىلدەردى قولدانادى. وسىلايشا ولار ساپالى ءبىلىم مەن عىلىمي مۇمكىندىكتەردى جۇزەگە اسىرۋ ءۇشىن ۇزدىك ج و و- نى تاڭداۋ ىسىندە ادامدارعا كومەكتەسۋدە.
سونىمەن قاتار ج و و- نىڭ تەحنولوگيالار نەمەسە يننوۆاتسيالار، مامانداندىرىلعان زەرتحانالار نەمەسە زەرتتەۋ ورتالىقتارى، ستۋدەنتتەردىڭ زەرتتەۋ مۇمكىندىكتەرىن جۇزەگە اسىراتىن عىلىمي- زەرتتەۋ بولىمشەلەرى، عىلىمي- تەحنيكالىق قۇرام قىزمەتىنىڭ باسىمدىلىعى ءۇشىن العان ۇلتتىق، ايماقتىق جانە حالىقارالىق ماراپاتتارى ەسەپكە الىنادى.
ۋنيۆەرسيتەتتەرگە باعا ءۇشىنشى بەيتاراپ جاقتان بەرىلەدى جانە ول سەنىمدى اقپارات كوزدەرىنەن الىنعان جالپىعا ورتاق مالىمەتكە نەگىزدەلگەن.
قازۇۋ- دىڭ الەمنىڭ ەڭ جوعارى تەحنولوگيالىق تۇرعىدا دامىعان 50 ۋنيۆەرسيتەتى قاتارىنا قوسىلۋى ج و و- نىڭ الەمدىك دەڭگەيدەگى زەرتتەۋ ۋنيۆەرسيتەتىنە اينالۋدا ۇستانعان باعىتىنىڭ دۇرىستىعىن تاعى دا دالەلدەدى.
بۇگىندە قازۇۋ - 8 عىلىمي- زەرتتەۋ ينستيتۋتى، 30 دان استام عىلىمي- تەحنيكالىق جانە گۋمانيتارلىق باعىتتاعى ورتالىقتار مەن زەرتحانالاردى بىرىكتىرگەن ەلىمىزدىڭ اسا ءىرى عىلىمي جانە ءبىلىم بەرۋ ورتالىعى. مەملەكەت تاراپىنان قارجىلاندىرىلاتىن عىلىمي زەرتتەۋلەردىڭ ەڭ كوبى قازۇۋ قابىرعاسىندا ىسكە اسادى، ول قارجىنىڭ 10%- ى جاس عالىمداردى قولداۋعا باعىتتالعان.
سوڭعى ءۇش جىلدا ۋنيۆەرسيتەتتە اتقارىلعان عىلىمي- زەرتتەۋ جانە تاجىريبەلىك- قۇراستىرىمدىق تالداما كولەمى ءۇش ەسەگە جۋىق ءوستى. قازۇۋ عالىمدارىنىڭ زەرتتەمەلەرى وندىرىسكە ەنگىزىلۋدە، ال عىلىمي جۇمىستار «Scopus» جانە «Thomson Reuters» مالىمەتتەر بازاسىنا ەنەتىن جوعارى رەيتينگتى باسىلىمداردا ۇنەمى جاريالانىپ كەلەدى. قازۇۋ - حالىقارالىق «Thomson Reuters» اگەنتتىگىنىڭ «عىلىم سالاسىنداعى ايتۋلى جەتىستىكتەرى ءۇشىن» ارنايى ديپلومىمەن ماراپاتتالعان قازاقستاننىڭ العاشقى جانە جالعىز وقۋ ورنى.
قازۇۋ- دا «Hewlett-Packard», «Cisco», «Intel», «Konica minolta», «Microsoft» سىندى اتاقتى الەمدىك كومپانيالاردىڭ وقۋ- عىلىمي ورتالىقتار مەن زەرتحانالار اشۋى ۋنيۆەرسيتەتتىڭ عىلىمي- تەحنولوگيالىق مۇمكىندىكتەرىن حالىقارالىق دەڭگەيدە مويىنداۋدىڭ دالەلى بولىپ تابىلادى. ا ق ش، ۇلى بريتانيا، قىتاي، گەرمانيا، فينليانديا جانە باسقا ەلدەردىڭ عالىمدارىمەن بىرگە ينتاس، ماگاتە، ەس، ناتو، الەمدىك بانك، يۋنەسكو قارجىلاندىراتىن 56 ءىرى حالىقارالىق عىلىمي جوبا جاسالۋدا.
قازۇۋ الەمنىڭ جەتەكشى ۋنيۆەرسيتەتتەرىمەن بىرگە قوسديپلومدىق ءبىلىم بەرۋ باعدارلاماسىن قارقىندى جۇرگىزۋدە. جىل سايىن مىڭنان استام شەتەلدىك ستۋدەنتتەر مەن وقىتۋشىلار ءبىلىم الۋ جانە عىلىمي تاعىلىمدامادان ءوتۋ ءۇشىن قازۇۋ- دى تاڭدايدى. وسىعان وراي جاڭا وقۋ جىلىندا ا ق ش- تىڭ 24 ستۋدەنتى ءبىلىم الۋ ءۇشىن وسى وقۋ ورنىن تاڭدادى.
وتكەن جىلى ج و و دامۋىنىڭ ساپالى كورسەتكىشتەرىن باعالاۋ سالاسىنىڭ مايتالمانى - QS ( ۇلى بريتانيا) رەيتينگتىك اگەنتتىگىنىڭ قورىتىندىسى بويىنشا، قازۇۋ الەمنىڭ ەڭ ۇزدىك 300 ۋنيۆەرسيتەتى قاتارىنا ەنىپ، 299- ورىندى يەلەندى. سونداي- اق جوعارى ساتىلى ەۋرووداق ساراپشىلارىنىڭ باعالاۋى بويىنشا قازۇۋ عىلىمي- تەحنولوگيالىق جانە يننوۆاتسيالىق الەۋەتى جاعىنان قازاقستان ج و و- لارى اراسىندا تالاسسىز كوشباسشىسى بولىپ تابىلادى.
