بۇكىل الەمدىك بانكتىڭ ەسەبى بويىنشا قازاقستان 50-ورىندا
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگىندە ق ر سىرتقى ساۋدا قىزمەتى دەپارتامەنتى ديرەكتورى قىزمەتىنىڭ مىندەتىن اتقارۋشى ءاليا الىمبەتوۆا حابارلادى.
«سىرتقى ساۋدا ساياساتىنىڭ تيىمدىلىگى بيزنەس كليماتتىڭ دامۋ دەڭگەيىمەن، وتاندىق كاسىپورىنداردىڭ باسەكەگە قابىلەتتىلىگىمەن جانە ءوز تاۋارلارىن سىرتقى نارىققا شىعارۋمەن، ساۋدانى ليبەريليزاتسيالاۋ دەڭگەيىمەن انىقتالادى. بۇكىل الەمدىك بانكتىڭ 2014 -جىلعى ەسەبى بويىنشا قازاقستان 189 ەلدىڭ ىشىنەن 50- ورىندا تۇر. ءبىز وتكەن جىلمەن سالىستىرعاندا 3 ساتىعا كوتەرىلدىك. ءبىزدىڭ ەل ت م د مەملەكەتتەرى بويىنشا كوش باستاپ تۇر.
مىسالى، رەسەي 92- ورىندا، بەلارۋس 63- ورىندا، قىرعىزستان 68- ورىندا. كوپتەگەن ت م د ەلدەرى بىزدەن قالىپ كەلەدى. ۇزدىك ەلۋ ەلدىڭ قاتارىن ەنۋىمىز ءبىزدىڭ ەلدەگى سىرتقى ساۋدا ساياساتىنىڭ بيزنەس كليماتىنىڭ دامۋى مەن جاقسارۋىنا، ەكسپورتتىق- يمپورتتىق وپەراتسيالاردىڭ جەتىلۋىنە سەپتىگىن تيگىزەدى» ، - دەدى ءاليا الىمبەتوۆا.
ونىڭ ايتۋىنشا، قازاقستاننىڭ ينتەگراتسيالىق ۇردىستەرگە قاتىسۋى وتە ماڭىزدى. 2010 - جىلدان باستاپ قازاقستان كەدەندىك وداق اياسىندا جۇمىس ىستەپ كەلەدى. وسى ۋاقىتتان باستاپ سىرتقى ساۋدا ساياساتىنىڭ ءبىرىڭعاي شارالارى جۇزەگە اسىرىلعان. ياعني، ءبىرىڭعاي كەدەندىك تاريف پەن تەريفتىك ەمەس رەتتەۋدىڭ شارالارى قولعا الىنعان.
«4 - جىل ىشىندە كەدەندىك باج سالىعى تولەمەنىڭ كولەمىن وزگەرتۋ مەن تاريفتىك ەمەس رەتتەۋلەر بويىنشا شارالار قابىلداۋ ۇسىنىستارى دايىندالدى. ايتا كەتۋ كەرەك، ءبىز بۇنىڭ بارلىعىنا بەلسەندى ات سالىسۋدامىز. كەڭەس اياسىندا بارلىق ساۋالدار قارالىپ، شارالار قابىلدانادى» ، - دەدى ول.
ايتا كەتەيىك، بۇكىلالەمدىك ساۋدا ۇيىمىنا كىرۋ، كەدەندىك وداقتى قالىپتاستىرۋدى اياقتاۋ، ت م د جانە ءۇشىنشى الەمدەگى ەلدەرمەن ەركىن ساۋدا ايماعىن قۇرۋ تۋرالى كەلىسىمگە قول قويۋ، بارلىق ساۋدا قارىم- قاتىناستاردى دامىتۋ جانە ينۆەستيتسيا تارتۋ - سوڭعى جىلدارى قازاقستاننىڭ سىرتقى ساۋدا ساياساتىنداعى باسىم باعىتى بولىپ تابىلادى.
بۇعان دەيىن ايتىپ وتكەنىمىزدەي، ق ر ۇكىمەتى مەن حالىقارالىق قايتا قۇرۋ جانە دامۋ بانكى، حالىقارالىق قارجى كورپوراتسياسى جانە دۇنيەجۇزىلىك بانك توبىنىڭ كوپ سالالى ينۆەستيتسيالارعا كەپىلدىك بەرۋ اگەنتتىگى اراسىندا قازاقستان رەسپۋبليكاسىنىڭ تۇراقتى دامۋى مەن وسۋىنە جاردەمدەسۋ ماقساتىندا ىنتىماقتاستىقتى كۇشەيتۋ بويىنشا نەگىزدەمەلىك كەلىسىمگە قول قويىلعان بولاتىن.
ق ر ەكونوميكا جانە بيۋدجەتتى جوسپارلاۋ ءمينيسترى ە. دوسايەۆ جۋرناليستەرگە بەرگەن سۇحباتىندا اتاپ وتكەندەي، دۇنيەجۇزىلىك بانك توبىمەن بىرگە قول قويىلعان نەگىزدەمەلىك كەلىسىم ۇكىمەت جۇرگىزىپ جاتقان جۇمىسقا قولداۋ كورسەتۋگە باعىتتالعانىن. سول ماقساتتا اتالعان بانك 2,5 ميلليارد ا ق ش دوللارىن بولەتىن بولادى.
Baq.kz
