شىمبۇلاقتا 500 تەكشە مەتر قار ءتۇسىرىلدى

الماتى قالالىق توتەنشە جاعدايلار دەپارتامەنتىنىڭ مالىمەتىنشە، «شىمبۇلاق» تاۋ-شاڭعى كەشەنىنىڭ اۋماعىندا «Avalanheur» پنيەۆماتيكالىق قوندىرعىسى ارقىلى 26№ ب «تالعار اسۋى» جانە 26№ ا «قونۋس» قار كوشكىنىن جيناۋ ۋچاسكەلەرىندە قار ماسساسى ءتۇسىرىلدى.

«قازسەلدەنقورعاۋ» م م، «قازگيدرومەت» ر م ك پروفيلاكتيكالىق جۇمىستاردى جۇرگىزۋ ناتيجەسىندە 500 تەكشە مەتردەن استام قار ءتۇسىرىلىپ، شاڭعى كۋرورتىنىڭ دەمالۋشىلى ءۇشىن قاۋىپسىزدىكتى قامتاماسىز ەتىلدى.

ەستەرىڭىزگە سالا كەتەيىك، قازىرگى ۋاقىتتا ۇلكەن الماتى كولى مەن شىمبۇلاققا باراتىن اۆتوجولدار جابىق.

جالپى، الماتى ءوڭىرى بويىنشا 165 كوشكىن قاۋپى بار ۋچاسكە بار، ونىڭ ىشىندە قالا تۇرعىندارى مەن تۋريستەرى ءۇشىن ەڭ ۇلكەن قاۋىپتى «مەدەۋ»، «شىمبۇلاق» ت ش ك جانە ۇلكەن الماتى كولى اۋدانىندا ورنالاسقان 18 ۋچاسكە.

«قازگيدرومەت» ر م ك جانە «قازسەلدەنقورعاۋ» م م بەكەتتەرى قار كوشكىنى جاعدايىنا تۇراقتى مونيتورينگ جۇرگىزەدى. شۇعىل شارالارعا «قازسەلدەنقورعاۋ» م م الماتىلىق فيليالى بازاسىندا اۆاريالىق-مەحانيكالاندىرىلعان بريگادا قۇرىلىپ، تۇراقتى دايىندىققا كەلتىردى.

قۇتقارۋشىلار وسى ۋاقىتتا تاۋلى جەرلەرگە بارماۋعا، تىك قارلى بەتكەيلەردەن ساق بولۋعا، تاۋ شاڭعىسى كۋرورتتارىنداعى قورشاۋلاردان تىس جەرلەرگە شىقپاۋعا كەڭەس بەرەدى.

ايتا كەتەيىك، كەشە شىمبۇلاق اۋماعىندا قار كوشكىنى جۇرگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى