الماتى اۋدانىنداعى قىلمىس ءجيى جاسالاتىن ورىنداردى جارىقتاندىرۋعا 500 ميلليون تەڭگە بولىنگەن
بۇل تۋرالى الماتى اۋداندىق پوليسيا باسقارماسى باسشىسىنىڭ ورىنباسارى مارات ومىربايەۆ ايتتى، دەپ حابارلايدى قازاقپارات ءتىلشىسى.
«الماتى اۋدانىنىڭ اكىمدىگىمەن بىرلەسىپ، ۆەدومستۆوارالىق كوميسسيانىڭ جوسپارى شەڭبەرىندە قىلمىس جاساۋعا نەعۇرلىم بەيىم ورىنداردى جارىقتاندىرۋعا قاتىستى بىرنەشە جوبا ازىرلەدىك. ول ءۇشىن اكىمدىك 500 ميلليون تەڭگە ءبولدى. سونىمەن بىرگە، قوسىمشا 2400 بەينەباقىلاۋ كامەرالارى ورناتىلادى. بەينەكامەرالاردى كريمينوگەندى جەرلەر مەن قازىرگى تاڭدا باقىلاۋ مۇمكىندىگى جوق ايماقتارعا قويۋ جوسپارلانۋدا»، - دەدى باسقارماسى باسشىسىنىڭ ورىنباسارى.
سونداي- اق، مارات ومىربايەۆ ۇرلىق فاكتىلەرىنىڭ الدىن الۋ ءۇشىن ەكىنشى دەڭگەيلى بانكتەردەن پين- كودسىز تولەم جاساۋ، ترانزاكسيا جۇرگىزۋ فۋنكسياسىن الىپ تاستاۋدى ۇسىندى.
