باعاسى 500 مىڭداي تۇراتىن نومەرگە جۇزگە جۋىق جەتىسۋلىق تاپسىرىس بەرگەن

«وزدەرىڭىز بىلەسىزدەر جاڭادان قۇرىلعان جەتىسۋ وبلىسىندا كولىكتىڭ مەملەكەتتىك تىركەۋ نومەرى 19- بولىپ بەلگىلەندى. جاڭا ايماقتىڭ بەلگىسىن، ياعني 1700 اسا ادام كولىكتىڭ جاڭا تىركەۋ نومەرىن الىپ ۇلگەردى. ولاردىڭ قاتارى ءالى دە كوپ. قازىر جوعارى سۇرانىسقا يە VIP نومەرگە 98 ادام تاپسىرىس بەردى. بۇدان بولەك 45 ادام مۇنداي نومەردى الىپ ۇلگەردى. جالپى 001، 009، 100، 999، О 10، 090، 707، 777 ساندارىنا كوپ تاپسىرىس بەرىلەدى»، - دەدى تالدىقورعان قالاسىنداعى مامانداندىرىلعان حالىققا قىزمەت كورسەتۋ ورتالىعىنىڭ جەتەكشىسى سوۆەتبەك بولاتحانوۆ.

سوۆەتبەك جىلقىبەك ۇلىنىڭ سوزىنشە، كولىكتىڭ VIP نومەرىنىڭ ەڭ ارزانى، مىسالى 077 باعاسى 174591 تەڭگە بولسا، ورتاشا باعاداعى 111 نومەرى 419631 تەڭگە، ال ەڭ قىمباتى دەمەك 007 نومەرى 698364 تەڭگە تۇرادى.

ايتا كەتەيىك، قايتا قۇرىلعان جەتىسۋ وبلىسىندا كولىكتىڭ مەملەكەتتىك تىركەۋ نومەرى 21 -قىركۇيەكتەن باستاپ بەرىلە باستادى. العاشقى نومەردى 35 جاستاعى ءبىرجان جاڭعابىلوۆ الدى. ونىڭ اۆتوكولىگىنىڭ نومەرى 019 ААВ 19

اۆتور

سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى