ءۇيى ورتەنگەن قوستانايلىقتارعا 500 مىڭ تەڭگەدەن العاشقى كومەك بەرىلەدى

مۇنى وڭىرلىك كوممۋنيكاتسيالار قىزمەتىندە وتكەن بريفينگىدە «قايىرىمدىلىق KZ» قورىنىڭ وكىلى گۇلميرا امانگەلدى قىزى ءمالىم ەتتى، دەپ حابارلايدى قازاقپارات ءتىلشىسى.

«قازىرگى تاڭداعى اقپارات بويىنشا قورعا 697600000 تەڭگە ءتۇستى. قاراجات ءبىرىنشى كەزەكتە ورتتەن زارداپ شەككەندەرگە باعىتتالادى. بۇگىن ءبىز ۇيلەرى تولىق ورتەنىپ كەتكەن 91 وتباسىعا العاشقى كومەك رەتىندە 500 مىڭ تەڭگەدەن بەرۋ تۋرالى شەشىم قابىلدادىق. ەسكەرتەيىن، بۇل العاشقى جانە سوڭعى كومەك بولمايدى. زارداپ شەككەندەر قاجەتىنە جاراتۋ ءۇشىن ولارعا ۇسىنىلىپ جاتقان باستاپقى كومەكتىڭ ءبىرى. قالعان قاراجات ارنايى قۇرىلعان كوميسسيانىڭ شەشىمىنە سايكەس بولەنەدى»، - دەدى قوردىڭ وكىلى.

ەسكە سالا كەتەيىك، كەشە گۇلميرا اماگەلدى قىزى قاجەتتىلىكتەر وتەلگەننەن كەيىن ارتىلاتىن اقشا اۋداندى كوگالداندىرۋعا باعىتتالاتىنىن مالىمدەگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى