شىڭجاڭدا ءبىر تاۋلىكتە شامامەن 500 مىڭ ادام كوروناۆيرۋسقا تەست تاپسىردى
بۇل تۋرالى وتكەن دۇيسەنبىدە جەرگىلىكتى دەنساۋلىق ساقتاۋ كوميتەتىنىڭ باسشىسى سۋن تاو ءمالىم ەتتى، دەپ حابارلايدى قازاقپاراتتىڭ مەنشىكتى ءتىلشىسى.
ءبىر تاۋلىك ىشىندە قىتايدىڭ سولتۇستىك- باتىسىنداعى ش ۇ ا ر- دىڭ بورو- تالا- موڭعول اۆتونوميالىق ايماعى تۇرعىندارىنىڭ بارلىعى دەرلىك كوروناۆيرۋسقا تەست تاپسىردى. ونداعى حالىق سانى - شامامەن 500 مىڭ. ايماق بيلىگى وتكەن جەكسەنبى كۇنى الاشاڭقاي قالاسىندا ستاندارتتى نۋكلەين قىشقىلىن تەكسەرۋ كەزىندە ءۇش ادامنىڭ كوروناۆيرۋسپەن سيمپتومسىز اۋىرىپ جۇرگەنىن انىقتادى، ارتىنشا جاپپاي تەستىلەۋ وتكىزىلەتىنى تۋرالى مالىمدەدى. سول كۇنى ۆيرۋسپەن سيمپتومسىز اۋىرىپ جۇرگەن ءۇش ادام مەن ولارمەن تىعىز بايلانىستا بولعان 88 ادام كارانتينگە جابىلدى. ايماقتىڭ دەنساۋلىق ساقتاۋ جونىندەگى كوميتەتىنىڭ مالىمدەمەسىنە سايكەس، 16 -تامىز ساعات 08:00-دەگى جاعداي بويىنشا، تەستىلەۋ ناتيجەلەرىنىڭ ءبارى تەرىس بولىپ شىققان. بارلىعى 498 مىڭ ادامنان سىنامالار الىندى، ولاردىڭ قاتارىندا الاشاڭقاي قالاسىنىڭ 15 مىڭنان اسا تۇرعىنى بار. قازىرگى كەزدە الانشانكوۋدا COVID-19-عا تەستىلەۋدىڭ ەكىنشى راۋندى باستالدى.
الاشاڭقاي قالاسىندا ءۇش سيمپتومسىز تاسىمالداۋشى انىقتالعاننان كەيىن جەكسەنبىدەن باستاپ كارانتين شارالارى كۇشەيتىلدى.
ب ا ق- تىڭ حابارلاۋىنشا، «الاشاڭقاي قالاسىنىڭ نەگىزگى اۋداندارىن جابىق تۇردە باسقارۋ ەنگىزىلگەن»، سونىمەن قاتار «شەكارادا جابىق تسيكل بويىنشا بارلىق پروتسەستى باسقارۋمەن» جانە يمپورتتالۋشى تاۋارلاردىڭ مۇقيات دەزينفەكتسيادان وتۋىمەن بايلانىستى شارالار دا كۇشەيتىلدى. 16-تامىز كۇنگى ساعات 24:00 دەگى جاعداي بويىنشا، شىڭجاڭدا كوروناۆيرۋس جۇقتىرۋدىڭ جاڭا جاعدايلارى مەن باسقا سيمپتومسىز تاسىمالداۋشىلار انىقتالمادى.
الاشاڭقاي قالاسىندا ەۋرازيالىق ترانسكونتينەنتالدىق كوپىردىڭ ماڭىزدى ترانسپورتتىق حابى بولىپ تابىلاتىن «الاشاڭقاي» ءىرى قۇرلىقتاعى شەكارا وتكەلى ورنالاسقان. سوڭعى دەرەكتەر بويىنشا، قۇرلىقتىق قىتايدىڭ اۋرۋحانالارىندا كوروناۆيرۋس جۇقتىرعان شامامەن 2 مىڭعا جۋىق ناۋقاس جاتىر. ەل بويىنشا، «دەلتا» شتامى ورشىگەن تۇستان باستاپ ەپيدەميولوگيالىق قاۋىپتىڭ جوعارى دەڭگەيى 29 تۇرعىن ايماقتا، ال ورتا دەڭگەيى 100-گە جۋىق ايماقتا تىركەلگەن.
