جىل سايىن 500 عالىم الەمنىڭ جەتەكشى عىلىمي ورتالىقتارىندا تاعىلىمدامادان وتەدى

«ۋنيۆەرسيتەتتەردى زەرتتەۋ باعىتىنداعى جوعارى وقۋ ورنى ەتىپ قايتا قۇرۋ الدىڭعى قاتارلى عىلىمي- زەرتتەۋ ورتالىقتارى، ىرگەلى جانە قولدانبالى عىلىمي زەرتتەۋلەرى، ماتەريالدىق- تەحنيكالىق بازاسى، حالىقارالىق دەرەكتەر بازالارىنداعى جاريالاۋ بەلسەندىلىگى بولعان جاعدايدا جۇزەگە اسىرىلادى.

جالپى زەرتتەۋ ۋنيۆەرسيتەتى مارتەبەسى 6 جوعارى وقۋ ورنىنا بەرىلدى («نازاربايەۆ ۋنيۆەرسيتەتى» د ب ۇ، «ق. ي. ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى» ك ە ا ق، «س. د. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى» ك ە ا ق ( قاز ۇ م ۋ)، «قاراعاندى مەديتسينا ۋنيۆەرسيتەتى» ك ە ا ق، «قازاق ۇلتتىق اگرارلىق ۋنيۆەرسيتەتى» ك ە ا ق جانە «س. سەيفۋللين اتىنداعى قازاق اگروتەحنيكالىق ۋنيۆەرسيتەتى» ك ە ا ق). ءبىلىم جانە عىلىم مينيسترلىگى باسقا ج و و زەرتتەۋ ۋنيۆەرسيتەتتەرىنە اينالدىرۋ ماسەلەسىن پىسىقتاۋدا»، - دەدى ۇكىمەت باسشىسى.

ونىڭ اتاپ وتۋىنشە، زەرتتەۋ باعىتىنداعى ج و و قىزمەتىنىڭ ناتيجەسىندە كلاستەرلەر جۇمىس ىستەيدى. وسىلايشا، ءىرى شەتەلدىك كومپانيالارمەن ءوزارا ءىس- قيمىلدا «نازاربايەۆ ۋنيۆەرسيتەتى» بازاسىندا 3 يننوۆاتسيالىق كلاستەردە كوممەرتسيالاندىرۋ وفيستەرى، بيزنەس- ينكۋباتور جانە تەحنوپارك ورنالاسقان.

«سامۇرىق- قازىنا» قورى 4 ميلليون ا ق ش دوللارى كولەمىندە «نازاربايەۆ ۋنيۆەرسيتەتىنە» قولداۋ كورسەتەدى. ءال- فارابي اتىنداعى قازاق ۇلتتىق ۋنيۆەرسيتەتى ينجينيرينگ جانە عىلىمدى قاجەتسىنەتىن تەحنولوگيالار كلاستەرىن، سونداي- اق ۆيرتۋالدى قابىلداۋ ستانسياسى بار جەردى قاشىقتان زوندتاۋ ورتالىعىن قۇردى. د. سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ بازاسىندا «قازمىرىش» ج ش س- مەن، «ءۇلبى مەتاللۋرگيا زاۋىتى» ا ق- مەن بىرلەسىپ مەتاللۋرگيا سالاسىندا عىلىمي- زەرتتەۋ- وندىرىستىك كلاستەرى قۇرىلعان. قاز ۇ ت ز ۋ بازاسىندا ءادديتيۆتى ءوندىرىس پەن ينجينيرينگتى دامىتۋ ءۇشىن يندۋستريالىق ديزاين ورتالىعى قۇرىلدى.

«بۇدان باسقا، ج و و- لاردىڭ وندىرىسپەن بايلانىسى كونسورتسيۋمدار قۇرۋ ارقىلى جۇزەگە اسىرىلادى. ا. بايتۇرسىنوۆ اتىنداعى قوستاناي وڭىرلىك ۋنيۆەرسيتەتى «كاماز» ج ا ق- پەن ىنتىماقتاستىق اياسىندا ماشينا جاساۋ سالاسىنداعى ينجەنەر كادرلاردى ماقساتتى دايارلاۋ ءۇشىن ينجينيرينگتىك ورتالىق قۇرۋ جۇمىسىن باستادى. زەرتتەۋ ج و و- لارىن قولداۋ ماقساتىندا عىلىمي قىزمەتكەرلەردىڭ بىلىكتىلىگىن ارتتىرۋ، حالىقارالىق دەڭگەيدەگى عالىمداردى تارتا وتىرىپ، زەرتتەۋلەردى قارجىلاندىرۋ جۇزەگە اسىرىلادى. 2019 -جىلدان بەرى حالىقارالىق عىلىمي- تەحنيكالىق ورتالىق قازاقستاندىق عالىمداردىڭ قاتىسۋىمەن 16 جوبانى ىسكە اسىرىپ جاتىر (12 قازاقستاندىق جانە 4 بىرلەسكەن جوبا). جىل سايىن قازاقستاندىق 500 عالىم الەمنىڭ جەتەكشى عىلىمي ورتالىقتارىندا تاعىلىمدامالارمەن قامتاماسىز ەتىلەتىن بولادى»، - دەدى پرەمەر- مينيستر.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى