اۆسترالياداعى ءورت. 500 ميلليون جانۋار ورتەندى

ەلدەگى بارلىق ادام ءورت سوندىرۋگە اتسالىسىپ جاتىر دەۋگە بولادى. اۆستراليا پرەمەر- ءمينيسترى سكوتت مورريسون ءورت ءسوندىرۋ ءۇشىن قوسىمشا 3000 اسكەريدىڭ جۇمىلدىرىلعانىن ايتتى. ال قورعانىس ءمينيسترى ليندا رەينولدس ەل ۇكىمەتى بۇرىن- سوڭدى بولماعان توتەنشە رەجيمگە كوشكەنىن جەتكىزدى.

بۇل ءبىزدىڭ ەلدىڭ تاريحىندا بولماعان ءورت. ۇكىمەت تولىقتاي ەرەكشە جاعدايدا جۇمىس ىستەپ جاتىر. مەن مۇندايدى بۇرىن- سوڭدى كورمەپپىن - دەدى ليندا رەينولدس.

ءورت جالىنىنىڭ بيىكتىگى 12 مەتردەن اسقان.

سوڭعى اقپاراتتارعا سايكەس، ورمان ورتىنەن جانۋارلاردىڭ 24 ءتۇرىنىڭ 500 ميلليون باسى ولگەن. ونىڭ 8000 نان استامى كوالا ايۋى.

ءتىلسىز جاۋ اۆستراليا ورمانىنىڭ 5,5 ميلليون گەكتارىن شارپىعان.

ەل تۇرعىندارىنىڭ 1400 دەن استام باسپاناسى وتقا وراندى.

ال ورتتەن شىققان ۋلى- گازدى تۇتىنەن 10 ميلليوننان استام ادام زارداپ شەگىپ جاتىر.

بۇگىنگە دەيىن ءورت سالدارىنان 24 ادام قازا بولعان. ولاردىڭ ۇشەۋى ءورت سوندىرۋشىلەر.

ورمان ءورتى سالدارىنان ەلدىڭ ەكى شتاتى توتەنشە جاعدايدا جۇمىس ىستەپ جاتىر.

سونىمەن قاتار، اۆستراليانىڭ قازىرگى ساتىنەن عارىشتىق ءتۇسىرىلىم جاريالاندى.

ورمان ءورتى باستالعان سوڭعى ەكى ايدا العاش رەت جاڭبىر جاۋدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى