500 گە جۋىق ادام كەدەرگى ارقىلى جۇگىرىپ، كۇش سىناستى

جارىس اقمولا وبلىسى اكىمدىگى تۋريزم باسقارماسىنىڭ قولداۋىمەن ەلىمىزدەگى ەڭ اسەم سپورتتىق نىسانداردىڭ ءبىرى - شۋچينسك شاڭعى- ترامپلين كەشەنىندە ءوتتى. ۇيىمداستىرۋشى - «ەكسترەمالدى اتلەتيكا» قوعامدىق بىرلەستىگىنىڭ كاسىپقوي كوماندالارى. شۋچينسكىدە وسىمەن ەكى جىل قاتارىنان وتكىزىلىپ وتىرعان جارىستىڭ اشىلۋىنا اقمولا وبلىسى اكىمىنىڭ ورىنباسارى مارات يعاليەۆ قاتىسىپ، سپورتشىلارعا ساتتىلىك تىلەدى. قاتىسۋشىلار ءتۇرلى كەدەرگىلەر ارقىلى جۇگىرىپ، ءتوزىمىن سىناپ كوردى.

«قاتىسۋشىلار ۇزىندىعى 5 شاقىرىمدىق جارىس جولىندا 24 كەدەرگىدەن ءوتتى. اتاپ ايتقاندا، قولمەن ءجۇرۋ، ساز بالشىق ۆانناسى، رامپا، اۋىرلىققا ءتوزۋ جانە تىكەنەكتى سىم سياقتى كەدەرگىلەردى باعىندىردى»، - دەدى Race Nation Burabay جارىسىنىڭ باس تورەشى تيمۋر ارتيۋحين.

حالىقارالىق جارىسقا 10 كوماندا، 500 گە جۋىق ادام قاتىسىپ، Open, Team جانە Elite ساناتتارى بويىنشا كۇش سىناستى. ولاردىڭ اراسىندا قازاقستان، رەسەي، تاجىكستان، قىرعىزستان، تۇركيا جانە ا ق ش سياقتى ونعا جۋىق ەلدىڭ وكىلدەرى بار. بۇدان بولەك جارىستى ۇيىمداستىرۋعا 100 گە جۋىق ەرىكتى قاتىستى.

ايتا كەتەيىك، Race Nation نەمەسە «ۇلت جارىسى» - ويلى-قىرلى جەردە جاساندى كەدەرگىلەرمەن جۇگىرۋ جارىسى. كۇش جۇگىرىسى (5+ ك م جانە 24 كەدەرگى) كىرەدى. جارىس Open, Team جانە Elite ساناتتارى بويىنشا وتەدى. Open, Team جانە Elite جۇگىرىسىنە ەڭ جاقسى دايىندالعان، كاسىبي جانە جارتىلاي كاسىبي سپورتشىلار قاتىسادى.

Open جۇگىرىسىنە ورتاشا جانە باستاپقى دايىندىق دەڭگەيىندەگى سپورتشىلار قاتىسادى. Team جۇگىرىسى - كوماندالىق جۇگىرىس. Team ۇلگىسىندە مارە كوماندانىڭ سوڭعى قاتىسۋشىسى بويىنشا ەسەپتەلدى. Elite باسەكەسىنە كاسىبي جانە جارتىلاي كاسىبي سپورتشىلار كىرەدى.

بۇل جولعى جارىستىڭ جەڭىمپازدارى الماتىدا وتەتىن كەزەڭدە باق سىنايدى. سوندا جەڭىسكە جەتكەندەر كيەۆتە وتەتىن الەم چەمپيوناتىندا ەل نامىسىن قورعايدى.

اۆتور: اسلان وسپانوۆ