نۇر- سۇلتان مەن الماتىدا زاڭسىز شەرۋگە شىققان 500 دەي ادام ۇستالدى

«سايلاۋ كۇنىندە ىشكى ىستەر مينيسترلىگى داۋىس بەرۋ ورىندارىندا دا، كوشەلەر مەن قوعامدىق ورىنداردا دا قۇقىقتىق ءتارتىپتى قامتاماسىز ەتتى. قوعامدىق ءتارتىپتى ساقتاۋعا ەلىمىز بويىنشا شامامەن 19 مىڭ پوليتسيا قىزمەتكەرى تارتىلدى. قازىرگى ۋاقىتتا بارلىق سايلاۋ ۋچاسكەلەرى جابىلدى. حاتتامالار مەن بيۋللەتەندەردى ودان ارى وبلىستىق جانە ورتالىق سايلاۋ كوميسسيالارىنا جەتكىزۋ كەزىندە ولاردىڭ ساقتالۋى قامتاماسىز ەتىلەدى»، - دەدى ول ورتالىق سايلاۋ كوميسسياسىنداعى بريفينگتە.

ونىڭ اتاپ وتۋىنشە، جالپى داۋىس بەرۋ قالىپتى جانە تىنىش جاعدايدا ءوتتى. بارلىق  9903 سايلاۋ ۋچاسكەسىندە بىردە- ءبىر وقىس وقيعا تىركەلگەن جوق، قوعامدىق ءتارتىپ ساقتالدى.

«سونىمەن قاتار ەلىمىزدىڭ الماتى جانە نۇر- سۇلتان قالالارىندا زاڭسىز شەرۋلەر ۇيىمداستىرۋ جانە قوعامدىق جاعدايدى تۇراقسىزداندىرۋ ارەكەتتەرى بولدى. نۇر- سۇلتان جانە الماتى قالالارىندا زاڭسىز اكتسيالارعا قاتىسقانى ءۇشىن ىشكى ىستەر بولىمدەرىنە شامامەن 500-دەي ادام جەتكىزىلدى. مىسالى، نۇر- سۇلتان قالاسىندا «جاستار» سارايى اۋدانىندا ءبىر توپ ازامات رەسپۋبليكا داڭعىلى بويىندا كولىكتىڭ الدىن جاپپاق بولدى. ارانداتۋشىلار مەن بەلسەندى قاتىسۋشىلاردىڭ ارەكەتتەرىنە جاقىن ارادا قۇقىقتىق باعا بەرىلەدى. پوليتسەيلەردىڭ ارەكەتى تۋرالى ايتار بولساق، بارلىق شارالار زاڭعا سايكەس جۇرگىزىلدى. قۇقىق بۇزۋشىلاردى ۇستاۋ كەزىندە ارنايى قۇرالدار قولدانىلعان جوق»، - دەدى مارات قوجايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى