الماتى وبلىسىندا تاركىلەنگەن 500 دەن اسا قارۋ بالقىتۋعا جىبەرىلدى
«جويىلۋ الدىندا كەز كەلگەن قارۋ الدىمەن بارلىق بازالاردا تەكسەرىلەدى، ونىڭ تاريحى ايقىندالادى. بالقىتۋعا جىبەرىلمەي تۇرىپ، ولار بولشەكتەلىپ، بۇدان كەيىن اتۋعا جاراماس ءۇشىن ۇڭعىسى ىستەن شىعارىلادى. بيىل 500 دەن استام قارۋ جويىلۋعا جىبەرىلدى. ەندى ولاردان ەل يگىلىگى ءۇشىن پايدالى ونىمدەر قۇيىلاتىن بولادى»، - دەدى الماتى وبلىستىق پوليتسيا دەپارتامەنتىندەگى تىلمەن قامتاماسىز ەتۋ باسقارماسىنىڭ باستىعى باقىت الپىسوۆ.
ۆەدومستۆونىڭ اقپاراتىنا سايكەس، بىلتىر 3581 دانا تاركىلەنگەن قارۋ مەن 6000 نان استام وق-ءدارى جانە 57 بىرلىك جارىلعىش زات جويىلعان.
ايتا كەتۋ كەرەك، كەيبىر سيرەك كەزدەسەتىن قارۋ تۇرلەرى ارنايى رۇقساتقا سايكەس مۇراجايلارعا ەكسپونات رەتىندە قويىلۋى مۇمكىن.
