وڭتۇستىكتە ناۋرىزدا 500 اتتى ادام فلەشموب وتكىزدى

 مەرەكەلىك شارادا ەلباسىمىزدىڭ «بولاشاققا باعدار: رۋحاني جاڭعىرۋ» جوباسى بويىنشا دا ەرەكشە قويىلىمدار قويىلدى. سولاردىڭ بىرىندە «رۋحاني جاڭعىرۋ» باعدارلاماسىنداعى سيمۆوليكالىق قۇس استانادان ۇشىپ، قازاقستان جەرىن ارالاپ شىعادى. سودان وڭتۇستىك قازاقستان وبلىسىنا كەلىپ، قازىعۇرت تاۋىنىڭ باسىنا قونادى. بۇل كورىنىس كوپشىلىككە D3 فورماتتا لەد ەكراندا كورسەتىلدى. كەيىن تاۋعا قونعان قۇستى 500 اتتى ادام قازىعۇرت تاۋىنىڭ بوكتەرىندە جالاۋشالارمەن بەينەلەدى. تاۋ ەتەگىندە كورسەتىلگەن قويىلىمعا 550 ادام مەن 500 ات قاتىستى. بۇل كومپوزيتسيا ءنۇرسات بەيسەقوجايەۆتىڭ «رۋحاني جاڭعىرۋ» انىمەن سۇيەمەلدەندى.

ايرىقشا تەاترلاندىرىلعان قويىلىمدارمەن كومكەرىلگەن مەرەكەدە ديحان بابا شاقىرىلىپ، قىس كەتەدى. كوكتەمنىڭ كەلۋىنە وراي گۇلدىڭ ىشىنەن كوكتەم قىزدىڭ شىعۋى كورسەتىلدى. سونداي- اق، 500-گە جۋىق كوگەرشىن كوككە ۇشىرىلدى. وسىلايشا ۇلىق مەرەكە قاسيەتتى تاۋدا ۇلىقتالدى.

اۆتور: اينۇر اقبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى