قىتايلىق قاساپشى 500 مىسىقتى سەمىرتىپ، قويان ەتى تۇرىندە ساتپاق بولعان
قاسكۇنەم ولاردى ابدەن سەمىرتىپ، مەيرامحانالار مەن دۇكەندەرگە قوياننىڭ ەتى تۇرىندە ساتۋدى كوزدەگەن.
بۇدان باسقا قىلمىسكەر تاۋارىن بازارعا شىعارىپ، ءارقايسىسىن ءتورت دوللاردان وتكىزبەك بولعان. ايتا كەتەر جايت، قويان ەتىنىڭ باعاسى قىتايدا جوعارى. ارامدىقپەن بايۋدى كوزدەگەن قاتىگەز جاندى پوليتسياعا كورشىلەرىنىڭ ءبىرى ۇستاپ بەرەدى.
ەر ادام وسى وكرۋگتە ءۇي جانۋارلارىنىڭ جوعالا باستاعاندىعىن بايقايدى. كەرىسىنشە ءبىر ءۇيدىڭ اۋلاسىنان مىسىقتاردىڭ مياۋلاعان داۋىستارى ءجيى ەستىلە باستاعان. پوليتسەيلەر قىلمىسكەردىڭ ءۇيىن قورشاپ ىشكە كىرگەن كەزدە ونىڭ بىرنەشى مىسىقتىڭ تەرىسىن سىپىرىپ، ەتىن بولشەكتەپ جاتقانىنىڭ ۇستىنەن تۇسەدى.
قاساپشى ءۇي جانۋارلارىنىڭ تەز سەمىرۋى ءۇشىن قوزعالا المايتىنداي شاعىن تورلاردا ۇستاعان. مىسىقتاردىڭ الدىندا تاماق جەتەرلىك، سۋ دا بار كورىنەدى. ال جەلدەتكىش توقتاۋسىز قوسىلىپ تۇرعان، دەپ حابارلايدى South China Morning Post.
