زاڭدى دۇرىس قولدانباي ءبىر كاسىپكەرگە 500 ەسەگە ارتىق ايىپپۇل سالعان - كراۆچەنكو

«مىسالى، باتىس قازاقستان وبلىستىق پروكۋراتۋرانىڭ سەنىم تەلەفونىنا نىعمەتوۆ دەگەن جەكە كاسىپكەر شاعىمدانعان بولاتىن. ول وزىنە قاتىستى 16 ميلليون تەڭگە كولەمىندەگى ايىپپۇلدىڭ سالىنعانىن جەتكىزدى. ءبىز وسى ماسەلەنى زەردەلەپ، زاڭنىڭ مۇلدەم باسقاشا قولدانىلعانىن انىقتادىق. ءسويتىپ، پروكۋراتۋرا ورگاندارى مەملەكەتتىك كىرىستەر دەپارتامەنتىنە قارسىلىق جولدادى. سەبەبى ايىپپۇلدى ءدال سول دەپارتامەنت سالدى. اقىرىندا ايىپپۇلدىڭ كولەمى 30 مىڭعا ازايدى. ەندى قاراڭىزشى، كاسىپكەرگە سالىنعان ايىپپۇل 16 ميلليون تەڭگەدەن 30 مىڭ تەڭگەگە (533 ەسەگە - اۆت. ) تومەندەدى. ايىپپۇلدىڭ ايىرماشىلىعى جەر مەن كوكتەي»، - دەيدى كراۆچەنكو.

ونىڭ ايتۋىنشا، وتكەن جىلى كاسىپكەرلەردىڭ تاراپىنان 20 مىڭ ارىز-شاعىم تۇسكەن بولاتىن. بيزنەسمەندەر جەر ۋچاسكەلەرىن بەرۋ، مەملەكەتتىك ساتىپ الۋلاردى وتكىزۋ، سالىقتى ءوندىرىپ الۋ مەن سان الۋان اكىمشىلىك كەدەرگىلەردى كەلتىرۋگە قاتىستى ءجيى ارىزدانادى. سونداي- اق، «سامۇرىق- قازىنا» قورى سياقتى كۆازيمەملەكەتتىك سەكتورداعى ساتىپ الۋلارعا قاتىستى ارىز تۇسىرەتىن كاسىپكەرلەر از ەمەس. ال شاعىمداردىڭ سانى جاعىنان شىعىس قازاقستان وبلىسى، استانا مەن الماتى قالالارى كوش باستاپ تۇر.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى