ءۇندى بيلىگى سالماعى 500 كەلى مىسىرلىق ايەلگە كومەكتەسۋگە ۇيعاردى

ول دارىگەرلەرگە كورىنبەك بولعان، دەپ جازدى سارسەنبى، 7 -جەلتوقساندا International Business Times باسىلىمى. ۇندىلىك بارياتريا حيرۋرگياسىنىڭ مامانى مۋففازال لاكداۆالا (Muffazal Lakdawala) جۋرناليستەرگە ونىمەن ەمان احمەدتىڭ اپكەسى حابارلاسقانىن ايتتى. «ول تانىستارىنان سەمىزدىك دەرتىنە شالدىققانداردى ەمدەيتىندىگىمدى ەستىگەن»، - دەپ ءتۇسىندىردى ول.

- بۇلار كەدەي وتباسى، كايردان مۋمبايعا چارتەرلىك رەيسپەن كەلۋگە جاعدايلارى جوق. سوندىقتان ءبىز ۆيزامەن اينالىسۋلارىن سۇرادىق ال قارجى جيناۋدى مەن ءوز موينىما الدىم». ءبىراق ەمان احمەدتىڭ تۋىستارىنا ۆيزا الۋ قيىنعا سوقتى. ەلشىلىك تەكسەرۋگە 20 جىلدان بەرى توسەكتەن تۇرماعان ايەلدىڭ ءوزى كەلۋىن تالاپ ەتكەن. وسى تۇيتكىلدى شەشۋ ءۇشىن دارىگەرگە Twitter ارقىلى ءۇندىستان ىشكى ىستەر ءمينيسترى سۋشمە سۆارادجعا جۇگىنۋگە تۋرا كەلدى. «ءبىز وعان كومەكتەسەمىز» دەپ جاۋاپ بەرگەن مينيستر.

ارتىنشا لاكداۆالا Twitter- دە ۆيزانىڭ بەرىلگەنىن جانە سالماعى 500 كەلى مىسىرلىقتىڭ وتا جاساتۋ ءۇشىن مۋمبايعا كەلە جاتقاندىعىن جازدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى