قازاقستاندا 500 مىڭعا جۋىق ەڭبەك ميگرانتى جۇمىس ىستەيدى

 دەپ حابارلايدى قازاقپارات.

«ادەتتە، بىزگە كورشىلەس مەملەكەتتەردەن ميگرانتتار كوپ كەلەدى. ولار قۇرىلىس بيزنەسىندە، ونەركاسىپتە، اۋىل شارۋاشىلىعىندا، بازارلاردا جۇمىس ىستەيدى. ولاردىڭ رەسمي سانى شامامەن 38 مىڭ ادام. ال بەيرەسمي دەرەكتەرگە سايكەس قازاقستاننىڭ بۇكىل اۋماعىندا 350 مىڭنان 500 مىڭعا دەيىن ەڭبەك ميگرانتتارى بار»، - دەدى ول.

ونىڭ اتاپ وتۋىنشە، مۇنداي دەرەكتەردى كوميسسياعا ازاماتتىق سەكتورداعى سەرىكتەستەرى ۇسىنعان.

 «دەگەنمەن، ق ر ۇ ە م ەكونوميكالىق زەرتتەۋلەر ينستيتۋتىنىڭ ەسەپتەۋلەرى دە قازاقستاندا زاڭدى جانە زاڭسىز جۇمىس ىستەيتىندەردىڭ بۇل ينتەرۆالى 350-450 مىڭ ادامدى قۇرايتىندىعىن كورسەتىپ وتىر»، - دەدى ابىشيەۆ.

ايتا كەتەيىك، بۇگىن ۇكىمەت ۇيىندە ق ر پرەزيدەنتى جانىنداعى ادام قۇقىقتارى جونىندەگى كوميسسيانىڭ ساراپشىلار كەڭەسى ەلباسى قاراۋىنا ەنگىزىلەتىن «قازاقستان رەسپۋبليكاسىنداعى ەڭبەك ميگرانتتارىنىڭ جانە ادام ساۋداسى قۇرباندارىنىڭ قۇقىقتارىن قورعاۋدىڭ وزەكتى پروبلەمالارى» اتتى تالداۋ بايانداماسىنىڭ جوباسى تالقىلاندى. بايانداما ۇسىنىمدارى قازاقستانداعى جۇمىس ءۇشىن جوعارى بىلىكتى مامانداردى تارتۋعا جانە ەلدىڭ بارلىق وڭىرلەرىندە ادام ساۋداسى قۇرباندارىنا ارنايى الەۋمەتتىك قىزمەت كورسەتۋ ستاندارتتارىن ەنگىزۋگە باعىتتالعان. مۇنان بولەك، اتالعان قۇجاتتا ازاماتتىق قوعام ينستيتۋتى الەۋەتىنىڭ رەسۋرستارىن ادام ساۋداسىنا قارسى ءىس- قيمىل، حالىقتى قۇقىقتىق اعارتۋدى جاناندىرۋ سالاسىندا پايدالانۋ قاجەتتىگى اتالىپ وتىلگەن.

جالپى، تالقىلاۋعا قاتىسقان حالىقارالىق جانە ۇلتتىق ساراپشىلار كوميسسيانىڭ بۇل تالداۋ بايانداماسى بىرەگەي ەكەنىن جانە ت م د مەن بالتىق ەلدەرىنىڭ قۇقىق قورعاۋ كەڭىستىگىندە كەزدەسپەيتىندىگىن اتاپ وتكەن.

ساراپشىلىق كەڭەستىڭ جان- جاقتى تالقىلاۋىنان كەيىن كوميسسيا بايانداماسى مەملەكەت باسشىسىنىڭ قاراۋىنا جانە بەكىتۋىنە جولداۋ تۋرالى شەشىم قابىلداندى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى