الماتىدا 500 جاس سارباز اسكەري انت قابىلدادى
«سىزدەر بۇگىن ق ر تۇڭعىش پرەزيدەنتى كۇنى قارساڭىندا ومىرلەرىڭىزدە ۇلكەن قادام باسىپ وتىرسىزدار. ەل الدىندا، جۇرت الدىندا انت قابىلداپ جاتسىزدار. بۇگىنگى كۇن ەرەكشە ەستە قالاتىن تاريحي كۇن بوپ قالادى. سىزدەر بۇگىن ەر دەگەن، ەل قورعاۋشى دەگەن اتاققا يە بولىپ جاتىرسىزدار. حالىق الدىندا اتا-انا سەنىمىن ادال، قىزمەتتەرىڭىزدى ءمىنسىز ورىندايدى دەپ سەنەمىن. دۇنيەجۇزىلىك جاعدايدىڭ كۇردەلى ەكەندىگىن بىلەسىزدەر. لاڭكەستەردىڭ ارەكەتتەرى كەسىرىنەن حالىق تىنىشتىعى بۇزىلىپ جاتىر. العان جولدارىڭىزدان تايماي، پرەزيدەنت قاۋىپسىزدىگىن قامتاماسىز ەتىپ الداعى 1 جىلدى ابىرويمەن اتقاراسىزدار دەگەن سەنىمدەمىن»، - دەدى ق ر مەملەكەتتىك كۇزەت قىزمەتىنىڭ باستىعى، گەنەرال مايور كۇرەڭبايەۆ امانتاي.
سالتاناتتى شاراعا قاتىسقان باۋىرجان بايبەك جاس ساربازداردىڭ وتان قورعاۋدا العا قويىلعان مىندەتى تۋرالى ايتىپ ءوتتى.
«ءبىز بۇگىن ءوز تاعدىرىن وتان قورعاۋمەن بايلانىستىرعان ازاماتتاردىڭ مەملەكەتتىك كۇزەت قاتارىنا الىنۋىنا بايلانىستى جينالىپ تۇرمىز. ەندى ساربازدار وتان الدىنداعى كونستيتۋتسيالىق بورىشىن وتەۋ ءۇشىن انت قابىلداپ، ەليتالىق قورعاۋ قىزمەتىنە كىرىسەتىن بولادى. بۇگىنگى شارا ايرىقشا ءمان مەن ماعىناعا يە. مەملەكەتتىك تاۋەلسىزدىككە قول جەتكەلى بەرى ەلباسى ساياساتى ارقاسىندا قاۋىپسىزدىك كۇشتەرى نىعايتىلۋ ۇستىندە.
ازاماتتاردىڭ اسكەري مىندەتىن ورىنداۋىنا بارىنشا جاعداي جاسالعان. ولاردى الەۋمەتتىك قامسىزداندىرۋعا، باسپانامەن قامتىپ، ەڭبەكاقى، زەينەتاقىنى كوتەرۋ ماسەلەسى وڭ شەشىمىن تابۋدا. قر قارۋلى كۇشتەرى زاماناۋي تەحنيكامەن قارۋ-جاراقپەن قامتىلىپ، جوعارى ماتەريالدىق-تەحنيكالىق بازاسى قالىپتاستى. مەملەكەت باسشىسى نۇرسۇلتان نازاربايەۆ اتاپ وتكەندەي، ارميا ءاردايىم ساقاداي ساي بولۋى ءتيىس. بۇل - مەملەكەت قويىپ وتىرعان مىندەت. ساربازدار لايىقتى وتان قورعاۋشىلار بولادى دەپ سەنەمىن»، - دەدى قالا اكىمى باۋىرجان بايبەك.
ايتا كەتۋ كەرەك، انت قابىلداعاننان كەيىن ساربازدار ق ر مەملەكەتتىك كۇزەت قىزمەتىنىڭ اسكەري بولىمدەرىنە تاراتىلادى. ولار ق ر پرەزيدەنتىنىڭ، باسقا دا كۇزەتىلەتىن ادامدار مەن نىسانداردىڭ قاۋىپسىزدىگىن قامتاماسىز ەتۋ بويىنشا ەرەكشە تاپسىرمالاردى، ءداستۇرلى راسىمدەردى ورىندايدى، مەملەكەتتىك تۋ مەن ەلتاڭبا ەتالوندارىن كۇزەتەدى.
جينالعان قاۋىم نازارىنا پرەزيدەنتتىك وركەستر مەن «ايبىن» پرەزيدەنتتىك پولكى قۇرمەت قاراۋىل روتاسىنىڭ اسكەري قىزمەتشىلەرى ارنايى پلاتس-كونسەرتىن ۇسىندى. وسى باعدارلامامەن قر مەملەكەتتىك كۇزەت قىزمەتىنىڭ اسكەري قىزمەتشىلەرى 2015-جىلعى قىركۇيەكتە ماسكەۋ قالاسىندا وتكەن «سپاسسك مۇناراسى» حالىقارالىق اسكەري-مۋزىكالىق فەستيۆالىندە ونەر كورسەتكەن بولاتىن.
اۆتور: گۇلميرا عوسمانالي
