ق ر قارۋلى كۇشتەرىنىڭ 500 دەن استام سەرجانتى ەلىمىزدىڭ جانە شەتەلدىڭ جوعارى وقۋ ورىندارىندا قوسىمشا ءبىلىم الدى
ولاردىڭ ىشىندە 225 اسكەري قىزمەتشى ۆزۆود سەرجانتى كۋرسىن وقىدى، 52 ءسى باتالون سەرجانتتارى كۋرسىن، 35 ءى جاۋىنگەرلىك دايارلىق بويىنشا نۇسقاۋشىلار كۋرسىن، 22 ءسى بريگادا سەرجانتتارىنىڭ كۋرسىن، 3 ءۋى اكادەميالىق كۋرستى اياقتادى.
كۋرستار ۇلتتىق قورعانىس ۋنيۆەرسيتەتىنىڭ، سونداي-اق ق ر ق ك وقۋ-جاتتىعۋ ورتالىقتارىنىڭ بازاسىندا ۇيىمداستىرىلدى، دەپ حابارلايدى ق ر ق م باسپا ءسوز قىزمەتى.
سونىمەن قاتار، قازىرگى كەزدە اسكەري قىزمەتشىلەرگە شەتەل جوعارى وقۋ ورىندارى دا قولجەتىمدى بولىپ كەلەدى. بيىلعى جىلى 30 دان اسا سەرجانت شەتەلدە بىلىكتىلىكتى جانە ءتىل دايارلىعىن ارتتىرۋ كۋرستارىندا وقۋدان ءوتتى. ال كەلەسى جىلى قول جەتكىزىلگەن كەلىسىمدىلىك شەڭبەرىندە العاش رەت قازاقستان اسكەري-اۋە كۇشتەرىنىڭ سەرجانتتارىن ا ق ش- قا ارنايى وقۋ كۋرسىنا جولداۋ، سونداي-اق ا ق ش ا ا ك سەرجانتتار قۇرامىنا ارنالعان ءبىلىم بەرۋ باعدارلامالارىن ازىرلەۋ تەحنيكالىق مەكتەپتەرى مەن ورتالىقتارىنا ءجيى تۇردە شىعۋدى ۇيىمداستىرۋ جوسپارلانۋدا.
قازاقستاننىڭ قارۋلى كۇشتەرىندە ارميانىڭ كاسىبي نەگىزى رەتىندە سەرجانتتار قۇرامىن دايارلاۋ مەن قايتا دايارلاۋعا قازىرگى ۋاقىتتا ۇلكەن كوڭىل بولىنۋدە. باسقارۋ جۇيەسىنىڭ باستاپقى بۋىنى بولا وتىرىپ، سەرجانتتار كوماندالىق قۇرامنىڭ اناعۇرلىم كوپ بولىگىن قۇرايدى. ولاردىڭ كاسىبيلىگىنەن كوبىنەسە اسكەرلەردەگى ءتارتىپ بايلانىستى.
