كوشى-قون زاڭناماسىن بۇزعان 500 دەن استام شەتەلدىك ازامات قازاقستاننان شىعارىلدى
استانا قالالىق ءى ءى د- نەن تۇسىندىرگەندەي، «نەلەگال» جەدەل-الدىن الۋ شاراسى زاڭسىز كوشى-قونعا قارسى ارەكەت جاساۋ، زاڭسىز كوشى-قون ارنالارىن انىقتاۋ، شەتەلدىكتەردى ەڭبەككە زاڭسىز تارتۋ فاكتىلەرىن انىقتاۋ ماقساتىندا وتكىزىلىپ وتىر.
شارا اياسىندا پوليتسەيلەر زاڭناما بۇزعان ازاماتتاردىڭ ۋاقىتشا تۇراتىن ورىندارىن، قۇرىلىس نىساندارىن، جەرتولە عيماراتتارىن، سونداي-اق ادامدار كوپتەپ جينالاتىن جەرلەر - بازارلار، قۇرىلىس نىساندارى، كولىك جوندەۋ ورىندارى، كولىك تۇراقتارى، ساياساجاي سىلەمدەرى، ونەركاسىپ ايماقتارىن تەكسەرۋدە.
«700 گە جۋىق شەتەلدىك ازامات ق ر- دا بولۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتىلدى. كوشى-قون زاڭناماسىن بۇزعان 442 ادامعا قاتىستى ەلدە بولۋ مەرزىمدەرى قىسقارتىلدى، 174 ادام استانا قالالىق ءى ءى د- ءنىڭ قابىلداۋ- بولىمشەسىنە ورنالاستىرىلعان. مامانداندىرىلعان اۋدانارالىق اكىمشىلىك سوتىنىڭ قاۋلىسىمەن 500 دەن استام شەتەلدىك ازامات ق ر كوشى-قون زاڭناماسىن بۇزعانى ءۇشىن ق ر سىرتىنا شىعارىلدى.
بۇدان باسقا، شەتەلدىك ازاماتتارعا قاتىستى ەلدىڭ سىرتىنا شىعارۋ شەشىمىن ورىنداماعانى، شەكارادان قاساقانا زاڭسىز وتكەنى ءۇشىن قوزعالعان 18 قىلمىستىق ءىستىڭ سوت الدىنداعى تەرگەۋ امالدارى جۇرگىزىلۋدە»، - دەپ حابارلادى جەدەل-الدىن الۋ شاراسىنىڭ قورىتىندىلارىن استانا قالالىق ءى ءى د- ءنىڭ كوشى-قون پوليتسياسى باسقارماسىنىڭ باستىعى، پوليتسيا پودپولكوۆنيگى گۇلۆيرا دونەنبايەۆا.
