استانا كۇنىنە ارنالعان «سالەم استانا» شاراسىنا 500 دەن استام بالا قاتىستى

ولار شاراعا ارنايى قۇرىلعان ساحنادا ءان سالىپ، بي بيلەپ، قالا حالقى مەن قوناقتارىنا ءوز ونەرلەرىن كورسەتتى.

سونىمەن قاتار قازاق حالىق اسپاپتارى وركەسترى استانانىڭ 17 جىلدىعىنا ارناپ 17 كۇي ورىندادى. سونداي- اق جاس ونەرپازدار قازاقتىڭ كونە اسپاپتارى قىلقوبىز، جەرىگەن اسپاپتارىمەن ءتۇرلى كومپوزيتسيالار ورىنداپ، فولكلورلىق جانە بي ۇجىمدارى كورەرمەندەرگە قايتالانباس اسەر سىيلادى.

اكىمدىك الدىنداعى الاڭدا جاس سۋرەتشىلەردىڭ قولىنان شىققان سۋرەتتەر كورمەگە قويىلىپ، ونەرسۇيەر قاۋىمعا تانىستىرىلدى.

«ەلوردا كۇنى - ەڭ ادەمى مەرەكەلەردىڭ ءبىرى. بۇگىن بۇل كورمەگە ءبىزدىڭ مەكتەپتىڭ 30 شاقتى وقۋشىسى قاتىسۋدا. ولار ءوز جۇمىستارىن استانانىڭ اسەم كەلبەتىنە ارنايدى. وسى كورمەدەن كەيىن بۇل سۋرەتتەر مەكتەپكە قويىلادى»، - دەپ اتاپ ءوتتى بالالارعا ارنالعان سۋرەت مەكتەبىنىڭ ديرەكتورى گۇلزيا يسەنوۆا.

ايتا كەتەيىك، شارانى استانا اكىمدىگى، قالالىق ءبىلىم باسقارماسى جانە №1 بالالار مۋزىكا مەكتەبى ۇيىمداستىرىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى