بريۋسسەلدەگى سايلاۋ ۋچاسكەسىندە 500 دەن استام قازاقستاندىق داۋىس بەرمەك
سايلاۋ ۋچاسكەسىنىڭ اشىلۋىنان كەيىن ءبىرىنشى بولىپ سايلاۋ قۇقىعىن العاش رەت پايدالانعان وتانداسىمىز جاڭگىر شاماردان داۋىس بەردى.
«ق ر پرەزيدەنتىن سايلاۋعا العاش قاتىسۋ ءىس جۇزىندە قاتتى تولقيتىن ءسات. مەن ءۇشىن بۇل ەسەيۋدىڭ باستى بەلگىسى، جاۋاپكەرشىلىكتىڭ جاڭا ساتىسى بولىپ تابىلادى»، - دەدى جاڭگىر.
№ 191 سايلاۋ ۋچاسكەسىنىڭ ۋچاسكەلىك سايلاۋ كوميسسياسىنىڭ ءتوراعاسى، ق ر- نىڭ بەلگياداعى كەڭەسشى- ەلشىسى بەرىك ابدۋشيەۆتىڭ ايتۋىنشا، داۋىس بەرۋ جەرگىلىكتى ۋاقىت بويىنشا ساعات 20:00 گە دەيىن وتەدى. بيۋللەتەندەر سانالعان سوڭ داۋىس بەرۋ قورىتىندىلارى بار قاجەتتى قۇجاتتار اۋە پوشتاسىمەن ورتالىق سايلاۋ كوميسسياسىنا جولدانادى.
ق ر- نىڭ بەلگياداعى ەلشىلىگىنىڭ مالىمەتتەرىنشە، اعىمداعى پرەزيدەنتتىك سايلاۋعا سايلاۋشىلاردىڭ كوپتەپ كەلۋى كۇتىلىپ وتىر. بريۋسسەل سايلاۋ ۋچاسكەسىندە بەلگيا مەن ليۋكسەمبۋرگتە تۇرىپ جاتقان نەمەسە ۋاقىتشا ساپارمەن جۇرگەن بارلىعى 538 گە جۋىق قازاقستاندىق داۋىس بەرەدى.
