شىمكەنتتىك 500 وقۋشى «جاس ۇلان» قاتارىنا قابىلداندى - فوتو
سالتاناتتى شارا قالا كۇنى قارساڭىندا تاۋەلسىزدىك ساياباعىندا ءوتتى.
كوك گالستۋكتاردى بالالارعا «نۇر وتان» پارتياسىنىڭ اتىنان دەپۋتاتتار مەن قالالىق اكىمدىكتىڭ قىزمەتكەرلەرى تاقتى.
«سىزدەرگە ۇلكەن جاۋاپكەرشىلىك ارتىلىپ وتىر. ەلىمىزدىڭ بولاشاعى سىزدەرسىزدەر. سوندىقتان «جاس ۇلان» دەگەن اتتى ۇلكەن ابىرويمەن الىپ جۇرۋلەرىڭىز كەرەك، سەبەبى ونىڭ قاتارىنا تەك ەڭ بەلسەندى جانە قابىلەتتى بالالار الىنادى»، - دەدى شىمكەنت اكىمىنىڭ ورىنباسارى باحادىر نارىمبەتوۆ.
ول قازىر شىمكەنتتە «جاس ۇلان» قاتارىندا شامامەن 76 مىڭ مەكتەپ وقۋشىسى بار ەكەنىن اتاپ ءوتتى. سونىمەن بىرگە قالا كۇنىنە وراي جۇزدەگەن مەكتەپ وقۋشىسى «كۇز سىيى» كورمەسىنە قاتىستى. بالالار مۇعالىمدەرىمەن بىرگە جەمىس-جيدەكتەر، كوكونىستەر، گۇلدەر مەن تۇقىمداردان تاماشا سۋرەتتەر تۋدىردى.
