پەتروپاۆل تۇرعىندارى قاباعان يتتەرى ءۇشىن 500 مىڭ تەڭگەنىڭ ۇستىندە ايىپپۇل تولەدى
سونىڭ 328 ىنە قاتىستى 571 مىڭ 387 تەڭگە ايىپپۇل سالىنعان، دەپ حابارلادى mtrk.kz.
پەتروپاۆل ۋچاسكەلىك ينسپەكتورلارى ۇيىندە ءيت اسىرايتىن تۇرعىندارعا ساياباقتا سەرۋەندەگەندە جۇرتتىڭ قاۋىپسىزدىگى ءۇشىن يتكە تۇمىلدىرىق تاعۋدىڭ ماڭىزدىلىعىن ەسكەرتتى.
«كۇن سايىن كوپشىلىك جەرلەردە، مىسالى ساياباقتاردا، ءۇي اۋلالارىندا رەيدتىك ءىس-شارالارىن وتكىزىپ جاتىرمىز. جالپى، قايدا جۇرسە دە ءيتتىڭ يەسى ءتورت اياقتى «دوسىنىڭ» تۇمىلدىرىعىن شەشپەۋى كەرەك. تەك ارنايى جەرلەردە، ادام جوق ورىنداردا ەركىن جىبەرۋىنە بولادى، ونىڭ ءوزى تۇمسىق تورى كيۋلى كۇيىندە. ءتارتىپ ساقشىلارى اتالعان تالاپتاردى ورىنداماعان ازاماتتاردى بايقاعان جاعدايدا پوليتسياعا حابار بەرۋدى وتىنەدى»، - دەدى پەتروپاۆل قالاسى ءى ءى ب ۋچاسكەلىك ينسپەكتورى اسىلتاس جانابەكوۆ.
ءيتتى ۇيدەن الىپ شىققاندا وسى تالاپتار بولماسا، قوجايىنى ق ر اكىمشىلىك قۇقىق بۇزۋشىلىق تۋرالى كودەكسىنىڭ 311 - بابىنا سايكەس، جاۋاپقا تارتىلىپ، ەسكەرتۋ الادى نەمەسە مولشەرى 3 ا ە ك-كە دەيىن ايىپپۇل تولەيدى. بۇزاقىلىق قايتالانسا نەمەسە بىرەۋگە زالال كەلتىرىلگەن جاعدايدا 10 ا ە ك كولەمىندە ايىپپۇل سالۋ قاراستىرىلعان.
