استانادا پاتەر كەزەگىندە تۇرعان 500 ادام 2017 -جىلى ارەندالىق باسپانا الادى
استانا قالاسى قۇرىلىس باسقارماسىنىڭ باسشىسى تالعات رىسبەكوۆتىڭ اقپاراتى بويىنشا، ۇستىمىزدەگى جىلى پاتەرلەردىڭ جالپى اۋدانى 53,13 مىڭ شارشى مەتر بولاتىن 984 پاتەرلىك 3 كوپقاباتتى تۇرعىن ءۇي كەشەنىنىڭ قۇرىلىسى باستالدى. ولاردى ساتۋ جەرگىلىكتى اتقارۋشى ورگاننىڭ وبليگاتسيالارىن شىعارۋ ارقىلى 2016 -جىلعا ارنالعان داعدارىسقا قارسى جوسپار اياسىندا جۇزەگە اسىرىلۋدا. اتالعان تۇرعىن ءۇي كەشەندەرىن تاپسىرۋ مەرزىمى 2017 -جىلعا جوسپارلانىپ وتىر.
بۇگىنگى كۇنى 519 پاتەرگە ەسەپتەلگەن جالپى اۋدانى 26,4 مىڭ شارشى مەتر بولاتىن 2 تۇرعىن ءۇي كەشەنىنىڭ قۇرىلىسىنا جوبالىق- سمەتالىق قۇجاتتاما ازىرلەندى. ولار - جەرگىلىكتى اتقارۋشى ورگاندار قاتارىنان كەزەكتە تۇرعىنداردىڭ ىشىنەن حالىقتىڭ الەۋمەتتىك ءالسىز توپتارىنا ارناپ جالپى اۋدانى 15,9 مىڭ شارشى مەتر بولاتىن 311 پاتەر مەن ەڭبەك ازاماتتارىنىڭ جىلدامدىعى ءۇشىن - جالپى اۋدانى 10,5 مىڭ شارشى مەتر بولاتىن 208 پاتەر.
اتالعان نىسانداردىڭ قۇرىلىسىن قارجىلاندىرۋ باستالعاننان كەيىن، 2017 -جىلى باستاۋ جوسپارلانعان.
اۆتور: جاسۇلان جولدىبايەۆ
