ديانا حانشايىمنىڭ جەمپىرى اۋكسيوندا 50-80 مىڭ دوللارعا ساتىلادى

جەمپىردە ءبىر قورا اق قويدىڭ ىشىندە ءبىر قارا ساۋلىق بەينەلەنگەن.

حانشايىم ديانانىڭ اڭىزعا اينالعان بۇل جەمپىرى ونىڭ كورول وتباسىندا ءوزىن جات سەزىنەتىنىن مەڭزەيتىن ەدى.

ەندى وسى جىلى كيىم قىركۇيەك ايىنداعى Sotheby's ونلاين اۋكتسيونىندا ساتىلىمعا شىعادى.

لوتتىڭ بولجامدى قۇنى – 50 دەن 80 مىڭ دوللارعا دەيىن.

ديانا العاش رەت 1981 -جىلى ماۋسىمدا ءوزى ءسوز بايلاسقان حانزادا چارلزدىڭ پولو ماتچتارىنىڭ بىرىندە وسى ديزاينەرلىك جەمپىرمەن كوپشىلىك الدىنا شىققان.

Warm Wonderful برەندىنىڭ يەلەرى ءتۇپنۇسقانى اۋكسيونعا وزدەرى شىعارىپ وتىر.

جۇننەن جاسالعان بۇيىمنان تەسىك تاۋىپ العان ديانا ونى ءوندىرۋشى كومپانياعا تىگۋگە قايتارىپ جىبەرگەن.

ءبىراق ديزاينەرلەر وعان جاڭا ۇلگىسىن بەرىپ، ەسكى جەمپىردى وزدەرىنە الىپ قالىپتى.

ال جاڭا جەمپىر قازىر لوندونداعى ۆيكتوريا مەن البەرت مۇراجايىندا ساقتاۋلى تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى