جاسىرىن ميگرانتتار قازاقستاننان جىل سايىن 5-7 ميلليارد دوللار كولەمىندە قارجى شىعارادى
بۇل تۋرالى بۇگىن استانادا ق ر دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى ءبىرجان نۇرىمبەتوۆ ءمالىم ەتتى.
«باقىلانبايتىن (جاسىرىن) ەڭبەك ميگرانتتارىنىڭ قىزمەتىنىڭ ناتيجەسىندە قازاقستاننان جىل سايىن 5-7 ميلليارد دوللار كولەمىندە قولما- قول اقشا جانە بانكتەر مەن وزگە تولەم جۇيەلەرى ارقىلى 1 ميلليارد دوللاردان استام قارجى شىعارىلادى. بۇل تۇرعىدا الەۋمەتتىك تاۋەكەلدەردى جابۋ ءۇشىن سالىقتار مەن وزگە دە اۋدارىمدار تولەنبەيدى»، - دەدى ۆيتسە- مينيستر «كوشى- قوننىڭ الەۋمەتتىك- ەكونوميكالىق اسەرلەرى: ميگرانتتاردىڭ قورعانسىزدىعى جانە ورتالىق ازياداعى ينتەگراتسيالىق قاجەتتىلىكتەر» اتتى دوڭگەلەك ۇستەلدە.
ونىڭ سوزىنە قاراعاندا، كوشى- قوننىڭ تاعى ءبىر جاعىمسىز اسپەكتىسى ادام ساۋداسىنا بايلانىستى بولىپ وتىر. بۇل ۇدەرىس ترانس ۇلتتىق جانە ترانس شەكارالىق سيپاتقا يە بولۋدا جانە الماتى پروتسەسىنە قاتىسۋشى ەلدەرى ءۇشىن تىم وزەكتى تاقىرىپقا اينالۋدا.
«حالىقارالىق اسپەكتىدە ادام ساۋداسىنداعى قۇربانداردىڭ باسىم بولىگىن ميگرانتتار قۇرايدى. حالىقارالىق كوشى- قون ۇيىمىنىڭ ستاتيستيكاسىنا سايكەس، بارشا الەمدە ءماجبۇرلى ەڭبەك ارقىلى تۇسەتىن زاڭسىز تابىس 150 ميلليارد ا ق ش دوللارىنان استام قارجىنى قۇرايدى. 21 ميلليونعا جۋىق ادام ءماجبۇرلى ەڭبەكتىڭ قۇرساۋىندا، ونىڭ ىشىندە 1 ميلليوننان استام بالا الەمدەگى ادام ساۋداسىنىڭ قۇرباندارىنا اينالۋدا. شامامەن قازىرگى زامانعى الەمدە ءاربىر جەتىنشى ادام ميگرانت بولىپ تابىلادى»، - دەيدى ب. نۇرىمبەتوۆ.
اۆتور: رۋسلان عابباسوۆ
