ەسەپ كوميتەتى: ەلىمىزدەگى كولىك جوبالارىنىڭ 5,7 ميلليارد تەڭگەسى ءتيىمسىز پايدالانىلعان

بۇل تۋرالى رەسپۋبليكالىق بيۋدجەتتىڭ اتقارىلۋى جونىندەگى ەسەپ كوميتەتىنىڭ كەزەكتى وتىرىسىنىنىڭ قورىتىندىسىنا وراي جاريا ەتىلگەن اقپاراتتا ايتىلعان.

«قازاۆتوجول» ۇ ك» ا ق- نىڭ وبلىستىق فيليالدارىمەن 17,9 ميلليارد تەڭگەگە اۆتوجولداردى سالۋ جانە قايتا جاڭعىرتۋ بارىسىنداعى جۇمىستار مەملەكەتتىك ساۋلەت-قۇرىلىس باقىلاۋ ءارى قاداعالاۋ ورگاندارىنىڭ ەسكەرتۋىنسىز، 569,8 ميلليون تەڭگە سوماسىنا تەحنيكالىق جانە اۆتورلىق باقىلاۋ قۇجاتتارىنسىز جۇرگزىلگەن»، - دەلىنگەن حابارلامادا.

سونىمەن قاتار ۆەدومستۆو «استانا LRT»  ج ش س استانا قالاسىنداعى جاڭا كولىك جۇيەسى» جوباسىن جۇزەگە اسىرۋ بارىسىندا جەتكىزىلمەگەن قۇرال-جابدىقتار ءۇشىن «قۇلاگەر» ب ك» ج ش س- ىنە 9,8 ميلليارد تەڭگە تولەگەندىگىن، كەلىسىمشارتتىڭ بۇزىلۋىنا قاراماستان جەتكىزۋشىنىڭ اتالعان دەبيتورلىق بورىشتى قايتارماعاندىعىن اتاپ وتكەن.

جالپى، كوميتەت 199,4 ميلليارد تەڭگەنىڭ بيۋدجەتتىك جانە وزگە دە زاڭبۇزۋشىلىقتارى ورىن العانىن، ونىڭ ىشىندە 5,7 ميلليارد تەڭگەنىڭ ءتيىمسىز پايدالانىلعانىن ەسكەرتكەن.

«قازاۆتوجول» ا ق- نىڭ وڭىرلىك فيليالدارىنىڭ ءۇش جاۋاپتى تۇلعاسى اكىمشىلىك جاۋاپكەرشىلىككە تارتىلدى. ماتەريالدارعا جاۋاپتى نىسانداردىڭ ءتورت لاۋازىمدى تۇلعاسىنا قاتىستى ماتەريالدار اكىمشىلىك ءىس قوزعاۋ ءۇشىن وكىلەتتى ورگاندارعا بەرىلدى»، - دەلىنگەن كوميتەت اقپاراتىندا.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى