تۇركىستان وبلىسىنا كەلۋشى تۋريستەر سانى 5,6 ەسەگە ءوستى
قوناقتاردىڭ لەگى وتكەن جىلدىڭ سايكەس كەزەڭىمەن سالىستىرعاندا 5,6 ەسە وسكەن، دەپ حابارلايدى قازاقپارات ءتىلشىسى.
قازىر مەملەكەتتىڭ قولداۋى مەن جەرگىلىكتى اكىمدىكتىڭ جۇيەلى جۇمىسىنىڭ ارقاسىندا ءوڭىردىڭ تۋريستىك الەۋەتى ارتىپ كەلەدى. تۋريستەرگە ءتيىمدى قىزمەت كورسەتۋ ءۇشىن قالانىڭ تاريحي ورتالىعىندا «ساپار ورتالىعى» (تۋريستىك ورتالىق) اشىلعان.
تۋريزمگە اقپاراتتىق قىزمەت كورسەتۋ مەن وزگە دە قىزمەت ساپاسىن ارتتىرۋ، اقپاراتتىق قولجەتىمدىلىگىن ارتتىرۋ مەن وسى باعىتتا ماماندار دايارلاۋ دەر كەزىندە جۇزەگە اسىرىلۋدا. ورتالىق وبلىس تۇرعىندارى مەن قوناقتارىنا «ءبىر تەرەزە» قاعيداتى بويىنشا بىرنەشە باعىتتا (تاريحي- مادەني، ساۋىقتىرۋ جانە ساۋىقتىرۋ، تابيعي) قىزمەت كورسەتىپ وتىر.
بۇدان وزگە وبلىس ورتالىعىندا بىرنەشە زاماناۋي قوناقۇيلەر اشىلىپ، جۇمىسىن باستادى.
«كەرۋەن ساراي» كەشەنى تۋريستەردىڭ سۇيىكتى ورنىنا اينالدى. سونىمەن قاتار تۇركىستان قالاسىنىڭ تۋريستىك ورىندارى الەمدەگى ەڭ ءىرى Tripadviser.com تۋريستىك پلاتفورماسىنا ەنىپ، 50 ەكسكۋرسوۆود مامان دايىندالدى. وڭىردەگى تۋريستىك الەۋەتتى ارتتىرۋ ماقساتىندا تۇركيا، وزبەكستان، قىرعىزستان، ءازىربايجان، باشقۇرتستان ەلدەرىنىڭ ب ا ق وكىلدەرىنە جانە 131 وتاندىق جانە شەتەلدىك تۋروپەراتورلارعا 4 اقپاراتتىق تۋر ۇيىمداستىرىلدى.
«ازىرەت سۇلتان» قورىق-مۋزەيىنىڭ اۋماعى اباتتاندىرىلىپ، كەلۋشىلەر ءۇشىن تارتىمدى بولا ءتۇستى.
«تۇڭعىش پرەزيدەنت» ساياباعى قالا تۇرعىندارى مەن قوناقتارىنىڭ سۇيىكتى ورىندارىنىڭ بىرىنە اينالدى. تۋريزم سالاسىندا حالىقارالىق دەڭگەيدەگى جوعارى بىلىكتى مامانداردى دايىنداۋ جانە قىزمەت كورسەتۋ ساپاسىن ارتتىرۋ ءۇشىن وبلىس ورتالىعىندا حالىقارالىق تۋريزم جانە قوناقجايلىلىق ۋنيۆەرسيتەتى اشىلدى. قالا اۋماعىندا تۋريستىك-ساۋىقتىرۋ كەشەنى مەن ەسكەك ەسۋ بازاسى مەن جاساندى كول بوي كوتەرۋدە.
اتالعان نىساندار كەلەسى جىلى پايدالانۋعا بەرىلەدى دەپ جوسپارلانىپ وتىر. تولەبي اۋدانىندا شاڭعى ءتۋريزمىن دامىتۋ ماقساتىندا «قاسقاسۋ» تۋريستىك-ساۋىقتىرۋ ورتالىعى سالىنباق. بۇگىنگى كۇنى مۇندا ينجەنەرلىك ينفراقۇرىلىمنىڭ قۇرىلىسى جۇرگىزىلۋدە. بۇل جوبالاردىڭ ءساتتى جۇزەگە اسۋى ءوڭىردىڭ تۋريستىك مۇمكىندىكتەرىن كەڭەيتىپ، قوسىمشا جۇمىس ورىندارىن اشۋعا مۇمكىندىك پايدا بولادى. سونىمەن قاتار وبلىس اۋماعىندا 1600 دەن استام تاريح جانە مادەنيەت ەسكەرتكىشتەرى بار. سالا ماماندارىنىڭ مالىمەتىنشە، وبلىستىڭ تۋريزم سالاسى ءۇش باعىتتا داميتىن بولادى.
اتاپ ايتقاندا، «تاريحي-تانىمدىق» (تۇركىستان، كەنتاۋ قالالارى جانە بايدىبەك، ورداباسى، وتىرار اۋداندارى)، «ساۋىقتىرۋ» (سارىاعاش كۋرورتى اۋماعىندا) جانە «ەكولوگيالىق» (قازىعۇرت، تولەبي، تۇلكىباس اۋداندارى). وسى شارالاردىڭ ناتيجەسىندە وبلىسقا كەلەتىن تۋريستەر سانى 2,5 ميلليونعا دەيىن ارتادى دەپ كۇتىلۋدە. جوعارىدا اتالعان شارالاردىڭ بارلىعى وبلىستىڭ تاريحي-مادەني مۇراسىن رەسپۋبليكادا جانە شەتەلدە ساقتاۋعا، دامىتۋعا جانە تانىمال ەتۋگە، تۋريستەردىڭ تۇرۋى ءۇشىن قولايلى جاعداي جاساۋعا باعىتتالعان.
بۇل تۇركىستان قالاسىنىڭ تۋريستىك تارتىمدىلىعىن ارتتىرۋعا مۇمكىندىك بەرمەك.
