قازاقستاندىقتارعا وشتا 5,6 ميلليون دوللار ۇرلادى دەگەن كۇدىك كەلدى
بۇل تۋرالى وشتا وتكەن «سەرىكتەستىك - قاۋىپسىزدىككە اپاراتىن جول» اتتى فورۋمدا قىرعىز رەسپۋبليكاسىنىڭ ىشكى ىستەر ءمينيسترى مەلىس تۇرعانبايەۆ مالىمدەدى. ەسكە سالا كەتەيىك، قاراقشىلىق شابۋىل 2014-جىلى 27- جەلتوقساندا بولدى.
ءمينيستردىڭ ايتۋىنشا، قىرعىزستان پوليتسەيلەرى قاجەتتى اقپاراتتاردى قازاقستاندىق ارىپتەستەرىنە جىبەردى. «ەگەر قازاقستاندىق تاراپ ولاردى ۇستاپ، بىزگە بەرسە، ءبىز ولاردى جاۋاپكەرشىلىككە تارتامىز. ءبىز قازىردىڭ وزىندە بۇل قىلمىسقا قاتىسى بار قازاقستان ازاماتتارى تۋرالى قاجەتتى بارلىق تۇسپالدار مەن دايەكتەردى جىبەرىپ قويدىق»، - دەدى ق ر ءى ءى م باسشىسى.
ەسكە سالا كەتەيىك، 2014-جىلى 27- جەلتوقساندا وش اۋەجايىندا ارنايى جاساقتىڭ فورماسى مەن بەتپەردە كيىپ، قولدارىنا اۆتومات ۇستاعان بەلگىسىز التى ادام قاراقشىلىق شابۋىل جاساعان بولاتىن. ولار 5,6 ميلليون دوللارى بار 5 قارا سومكەنى الىپ كەتتى. سونىمەن قاتار، قىلمىسكەرلەر قىرعىزستاننىڭ تۋريستىك فيرمالارىنىڭ ءبىرىنىڭ ديرەكتورىن كەپىلدىككە الىپ ديپلوماتيالىق نومەرى بار اۆتوكولىكتەرگە وتىرىپ قاشىپ كەتتى. قىرعىزستان ءى ءى م قىزمەتكەرلەرى شۇعىل ارەكەت بارىسىندا قاراقشىلىق شابۋىلدى ۇلتارالىق قىلمىستىق توپ مۇشەلەرىنىڭ جاساعانىن انىقتادى. ازىرشە قىرعىزستاننىڭ بەس ازاماتى عانا ۇستالدى. ولاردان 50 كالاشنيكوۆ اۆتوماتى مەن ماكاروۆ تاپانشاسى تاركىلەندى. قازاقستان مەن تاجىكستاننىڭ ازاماتتارى ءالى ىزدەستىرىلىپ جاتىر.
