قىزىلوردا وبلىسىندا 5,5 مىڭ مەترلىك تەرەڭدىكتەن مۇناي ىزدەۋ جۇرگىزىلمەك
«ۇكىمەت ىشكى نارىققا مۇناي جەتكىزۋدى ىنتالاندىرۋ جانە جەر قويناۋىن پايدالانۋ سالاسىنداعى جاڭا جوبالاردى ىسكە اسىرۋ ءۇشىن جاعدايلار جاساۋ جونىندە ءىس- شارالار قابىلداۋدا. ماسەلەن، وتكەن جىلدىڭ جەلتوقسان ايىندا «مۇناي ونىمدەرىنىڭ جەكەلەگەن تۇرلەرىنىڭ ءوندىرىسى مەن اينالىمىن مەملەكەتتىك رەتتەۋ تۋرالى» زاڭعا تۇزەتۋلەر قابىلداندى. بۇل تۇزەتۋلەر مۇناي ونىمدەرىن وتكىزۋ كەزىندە ءونىمسىز دەلدالداردى جوققا شىعارۋدى كوزدەيدى. ەندى مۇناي ءوندىرۋشى ۇيىمدار مۇناي وڭدەۋ ءۇشىن مۇناي وڭدەۋ زاۋىتتارىنا دەربەس جەتكىزە الادى»، - دەپ اتاپ وتەدى ۇكىمەت باسشىسى جاۋابىندا.
پرەمەر- مينيستر وسى جىلدىڭ ءساۋىر ايىندا بەنزين (ا ي-92182 تەڭگەدەن 205 تەڭگەگە دەيىن) مەن ديزەل وتىنىنىڭ (230 تەڭگەدەن 295 تەڭگەگە دەيىن) شەكتى بولشەك ساۋدا باعاسى ۇلعايتىلعانىن اتاپ وتەدى.
«بۇل دا ىشكى نارىققا مۇناي جەتكىزۋدىڭ ەكونوميكالىق تارتىمدىلىعىن ارتتىرادى»، - دەدى ول.
ونىڭ اتاپ وتۋىنشە، كومىرسۋتەكتەردى بارلاۋ مەن وندىرۋگە ينۆەستورلاردى تارتۋ ءۇشىن رەتتەۋشى جانە فيسكالدىق پرەفەرەنتسيالاردىڭ كەڭ سپەكترىن كوزدەيتىن جاقسارتىلعان مودەلدىك كەلىسىمشارت زاڭنامامەن ەنگىزىلدى. «گاز جانە گازبەن جابدىقتاۋ تۋرالى» زاڭعا جەر قويناۋىن پايدالانۋشىلاردان گاز ساتىپ الۋ باعاسىنىڭ جاڭا فورمۋلاسىن ەنگىزۋ بويىنشا تۇزەتۋلەر ەنگىزىلدى. وعان سايكەس باعا ەكسپورتتىق (70) جانە ىشكى (%30) باعالار نەگىزىندە قالىپتاستىرىلاتىن بولادى.
«قىزىلوردا وبلىسىنىڭ شيكىزات بازاسىن مولىقتىرۋ ماقساتىندا «قازمۇنايگاز» ا ق پەرسپەكتيۆالى تورعاي پالەوزوي ۋچاسكەسىندە (رەسۋرسى شامامەن 400 ميلليون توننا مۇناي) تەرەڭدىگى 5,5 مىڭ مەتر ىزدەۋ ۇڭعىماسىن بۇرعىلاۋدى جوسپارلادى. اقساي يۋجنىي كەن ورنىن ونەركاسىپتىك پايدالانۋعا ەنگىزۋ (شيكى گاز ءوندىرۋ كولەمى جىلىنا شامامەن 100 ميلليون تەكشە مەتر) جۇزەگە اسىرىلدى. شىعىس جانە ورتالىق كەرۋەن جەر قويناۋى ۋچاسكەلەرى بويىنشا اۋكسيون ارقىلى (گەولوگيالىق بارلاۋعا ينۆەستيتسيالار شامامەن 1,8 ميلليارد تەڭگە) جەڭىمپازدار انىقتالدى. وسى ءىس- شارالاردىڭ بارلىعى ءوڭىردىڭ مۇناي- گاز سەكتورىن دامىتۋعا قوسىمشا سەرپىن بەرەدى، سونداي- اق حالىقتى جۇمىسپەن قامتۋعا مۇمكىندىك بەرەدى»، - دەدى ءاليحان سمايىلوۆ.
