گەرمانيا قازاقستان ەكونوميكاسىنا 5,5 ميلليارد ەۋرو ءبولدى

گەرمانيا مۇنىمەن شەكتەلىپ قالماق ەمەس. ەلىمىزدىڭ پرەمەر- ءمينيسترىنىڭ ورىنباسارى، سىرتقى ىستەر ءمنيسترى مۇحتار تىلەۋبەردى باستاعان قازاقستاندىق دەلەگاتسيا بەرليندە تانىمال نەمىس كاسپكەرلەرىمەن كەزدەستى. ولاردىڭ اراسىندا ماشينا جاساۋ، قۇرىلىس ماتەريالدارى شىعاراتىن كومپانيالار بار. مىسالى، كناۋف قۇرىلىس الپاۋىتى جامبىل وبلىسىندا گيپسوكارتون شىعاراتىن جاڭا زاۋىت اشۋدى جوسپارلاپ وتىر. ال المدە تاماق ونىمدەرىنە ءتۇرلى قاپتاما دايىندايىتن بىرلەستىك كاسىبىن كەڭەيتۋدى كوزدەپ وتىر. جالپى قازىر گەرمانيامەن 48 جوبا قاراستىرىلىپ جاتىر.

گرەگور توماللا، «Multivac» كومپانياسىنىڭ ت م د ەلدەرىمەن وپەراتسيالار بويىنشا ۆيتسە- پرەزيدەنتى:

- قازىر قازاقستاننىڭ بارلىق ايماعىندا جۇمىس ىستەپ جاتىرمىز. ەگەر ءسىز دۇكەندە شۇجىق پەن ىرىمشىك الاتىن بولساڭىز ءبىزدىڭ ونىمىمىزبەن تانىس بولۋىڭىز كەرەك. سەبەبى ولاردى قاپتاۋ ءۇشىن ءبىزدىڭ ورامداردى قولدانادى. كاسىبىمىزدى ودان ءارى كەڭەيتۋگە نيەتتىمىز. ماسەلەگە قاتىستى كەلىسسوز جەمىستى ءوتتى. وسىمەن قاتار ءسىزدىڭ ەلدە قۇرال جابدىقتارىمىزدىڭ بولشەكتەرىن شىعاراتىن ءوندىرىس ورىنىن اشۋدى جوسپارلاپ وتىرمىز.

ارداق زەبەشيەۆ، ق ر س ءى م ينۆەستيتسيا كوميتەتىنىڭ ءتوراعاسى:

- ينۆەستيتسيانىڭ %90 ى ءوندىرۋشى سالاعا باعىتتالعان. ءبىز دە وسىعان باسىمدىق بەرەمىز. سونىڭ ىشىندە ەڭ ءىرى جوبا تۋرالى ءبارى بىلەدى. بۇل جاسىل سۋتەكتى شىعارۋمەن اينالىساتىن «Svevind» كومپانياسى. كەزدەسۋدە ناقتى جوبالاردى تالقىلادىق.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى